انڈے کا حلوہ بنانے کی آسان ترکیب ملاحظہ کیجئے۔

درکار اجزاء: انڈے ۲۰؍ عدد، کھویا آدھا کلو، زعفران ۳؍ چھٹانک، کھوپرا ایک پاؤ، بادام ایک چھٹانک، کیوڑہ حسب ِ ذائقہ، کشمش آدھا پاؤ، پستہ ایک چھٹانک، گھی ایک کلو، چھوہارے آدھا پاؤ، شکر ۳؍ پاؤ۔
بنانے کا طریقہ: پہلے انڈوں کو توڑ کر سفیدی الگ کرلیں اور زردی کو کسی صاف برتن میں کپڑے سے چھان لیں۔ پھر اسے اسی برتن میں پھینٹ لیں۔ اسی طرح تین پاؤ گھی کو بھی پھینٹ لیں۔ جب گھی خوب پھول جائے، تو باقی کے پاؤ بھر گھی میں تمام میوے کو پیس کر کھوئے میں ملا کر اچھی طرح بھون لیں۔ پھر پھینٹے ہوئے انڈوں اور گھی کو ملا کر ہلکی آنچ پر رکھ کر کسی چمچے سے چلاتی رہیں۔ جب خوشبو آنے لگے تو زعفران کو جو کہ پہلے سے ہی کیوڑہ میں پیس کر رکھ لیا گیا ہے۔ اس آمیزے میں ملا دیں۔ پھر تھوڑی دیر کے بعد کھویا اور شکر ملا کر بھونیں جب گھی چھوٹنے لگے تو سمجھ لیں کہ حلوہ تیار ہوگیا۔ اب بادام پستہ کو اوپر سے کوٹ کر چھڑک دیں۔ گرما گرم انڈے کے حلوہ کا لطف اٹھائیے۔