بھنی ہوئی بوٹیاں بنانے کی آسان ترکیب ملاحظہ کیجئے۔

درکار اجزاء: گوشت ایک کلو، ادرک، لہسن (پسا ہوا) ۲؍ چھوٹے چمچے، ہلدی پاؤڈر ایک چھوٹا چمچہ، نمک حسب ِ ذائقہ، لال مرچ (پسی ہوئی) ۲؍ چھوٹے چمچے، دہی ایک پائو (پھینٹی ہوئی)، تیل ایک پائو۔
بنانے کا طریقہ: تمام اجزاء سوائے دہی کے، گوشت میں ملاکر چولہے پر ہلکی آنچ پر گلنے کے لئے رکھ دیں، جب گوشت گل کر پانی خشک ہوجائے، تو دہی شامل کردیں۔تھوڑی دیر پکنے دیں، جب دہی کا پانی خشک ہونے لگے، تو اچھی طرح بھون کر چولہا بند کردیں۔ کم وقت میں بھنی ہوئی لذیذ بوٹیاں تیار ہیں۔ ایسی ہی چٹنی کیساتھ کھایا جاسکتا ہے یا روٹی کے ساتھ بھی نوش فرما سکتے ہیں۔