چیز بسکٹس بنانے کی آسان ترکیب ملاحظہ کیجئے۔

درکار اجزاء: میدہ ایک کپ، نمک آدھا چھوٹا چمچہ یا حسب ِ ذائقہ، کالی مرچ آدھا چھوٹا چمچہ، مسٹرڈ پاؤڈر آدھا چھوٹا چمچہ، مکھن ۴؍ اونس، چیڈر چیز ۴؍ اونس (کدوکش کیا ہوا)، دلیہ ۲؍ بڑے چمچے، پیپریکا ایک چھوٹا چمچہ، انڈے کی سفیدی ایک عدد۔
بنانے کا طریقہ: سب سے پہلے پیالے میں میدہ، نمک، کالی مرچ اور مسٹرڈ پاؤڈر ڈال کر اچھی طرح ملائیں۔ پھر اس میں مکھن شامل کر دیں اور کچھ دیر تک مکس کرتے رہیں۔ اس کے بعد چیڈر چیز شامل کرکے اچھی طرح گوندھ لیں۔ اب تھوڑا سا خشک میدہ چھڑک کر ڈو کو پتلا بیل لیں، پھر کسی بھی شکل کے کوکیز کاٹ لیں اور بیکنگ شیٹ پر رکھ دیں۔ اس کے بعد انڈے کی سفیدی کو پھینٹ کر برش کی مدد سے کوکیز پر لگا دیں۔ پھر دلیہ اور پیپریکا اچھی طرح ملا کر کوکیز پر چھڑک دیں۔ آخر میں انہیں ۲۲۰؍ ڈگری سینٹی گریڈ تک گرم اَوَن میں پانچ سے چھ منٹ بیک کرکے پلیٹ میں نکالیں۔ لیجئے لذیذ چیز بسکٹس تیار ہیں۔