چکن بریڈ کونز بنانے کی آسان ترکیب ملاحظہ کیجئے۔

درکار اجزاء: چکن بریسٹ ایک عدد، ڈبل روٹی کے سلائسز ۱۰؍ سے ۱۲؍ عدد، نمک حسب ذائقہ، تکہ مسالہ ایک بڑا چمچہ، لیموں کا رس ایک بڑا چمچہ، انڈے ۲؍ عدد، ڈبل روٹی کا چورا حسب ضرورت، کوکنگ آئل حسب ضرورت۔
بنانے کا طریقہ: چکن بریسٹ کو صاف دھو کر اس کے پارچے کاٹ لیں اور انہیں تکہ مسالہ، نمک، لیموں کا رس اور ۲؍ بڑے چمچے کوکنگ آئل سے میرینیٹ کرکے رکھ دیں، پھر میرینیٹ کئے ہوئے پارچوں کو فرائنگ پین میں پہلے تیز آنچ پر فرائی کریں، پھر ہلکی آنچ کرکے ڈھانک کر اتنی دیر رکھیں کہ یہ مکمل گل جائے۔ چولہے سے اتار کر اس کے ریشے کرلیں۔ ڈبل روٹی کے سلائسز کے کنارے کاٹ کر اور سلائسز کو بیلن سے بیل کر چپٹا کر لیں، سلائس کو ہاتھ میں اٹھا کر کون کی طرح فولڈ کر لیں اور ہلکا سا پانی لگاتے ہوئے اچھی طرح چپکا دیں، پھر اس میں ایک بڑا چمچہ چکن کا آمیزہ ڈال کر اسے کناروں پر پانی لگاتے ہوئے بند کر دیں۔ اسی طر ح دوسری کون بھی تیار کریں اور انہیں پھینٹے ہوئے انڈے میں ڈبوئیں، پھر ڈبل روٹی کے چورے میں رول کرکے کچھ دیر کے لئے فریج میں رکھ دیں۔ تھوڑی دیر گرم تیل میں ان بریڈ کونز کو سنہری فرائی کرلیں۔ انہیں چٹنی کے ساتھ نوش فرمائیں۔