چکن چیز رول بنانے کی آسان ترکیب ملاحظہ کیجئے۔

درکار اجزاء: چکن (بون لیس، چھوٹے ٹکڑوں میں کٹی ہوئی) ۲۵۰؍ گرام، نمک آدھا چھوٹا چمچہ، ادرک لہسن کا پیسٹ ایک چھوٹا چمچہ، پسی ہوئی لال مرچ تین چوتھائی چھوٹا چمچہ یا حسب ِ ذائقہ، سویا ساس یا چلی ساس ۲؍ چھوٹے چمچے، تیل ۲؍ بڑے چمچے، چیڈر چیز آدھا کپ، ہرا دھنیا ۴؍ بڑے چمچے (باریک کٹے ہوئے)، ہری مرچ ۳؍ عدد کٹی ہوئی، پیاز (چھوٹے سائز کی، باریک کٹی ہوئی) ایک عدد، رول پٹی حسب ِ ضرورت، تیل (تلنے کے لئے)۔
بنانے کا طریقہ: ۲؍ بڑے چمچے تیل گرم کرکے اس میں پیاز، ادرک، لہسن کا پیسٹ ڈال کر فرائی کریں۔ پھر چکن ڈال کر اتنا بھونیں کہ رنگ تبدیل ہو جائے۔ اس کے بعد نمک، لال مرچ، چلی ساس یا سویا ساس ڈال کر مزید بھونیں، آخر میں چیڈر چیز ڈال کر صرف اتنا پکائیں کہ چیز پگھل جائے۔ آمیزہ تھوڑا تھوڑا ٹھنڈا ہو جائے، تو باریک کٹا ہر ادھنیا اور باریک کٹی مرچیں بھی شامل کر دیں۔ اب یہ آمیزہ ضرورت کے مطابق رولز میں بھر کے آئل میں فرائی کرلیں۔