آج بنایئے خاص پکوان ’’لٹی اور ستو۔‘‘ اس کی آسان ترکیب ملاحظہ کیجئے۔

درکار اجزاء:
لٹی کیلئے: میدہ دو کپ، تیل چھ چھوٹے چمچے، اجوائن ایک چھوٹا چمچہ، نمک ادھا چھوٹا چمچہ، پانی ایک کپ، دہی چار چھوٹے چمچے، ان سب چیزوں کو اپس میں ملائیں اور گوندیں۔
ستو کیلئے: ایک کپ، لہسن کٹا ہوا ایک چھوٹا چمچہ، ادرک کٹی ہوئی ایک چھوٹا چمچہ، دھنیا کے پتے کٹے ہوئے دو چھوٹے چمچہ، پیاز ایک عدد باریک کٹے ہوئے، اجوائن ایک چھوٹا چمچہ، ہری مرچ چار عدد باریک کٹے ہوئے، لیموں کا رس دو چھوٹے چمچے، اچار مسالہ یا اچار تین چھوٹے چمچے، نمک حسب ذائقہ (ستو کے ساتھ بھرنے والے تمام اجزاء کو آپس میں ملائیں)۔
بنانے کا طریقہ: گوندھے ہوئے میدہ کو ۲ء۵؍ سے ۳؍ قطر کے سائز کی گیندیں ہاتھ سے بنائیں، ہر گیند کے بیچ میں دو سے تین چھوٹے چمچے ستو بھریں۔ چاروں طرف سے بند کریں، گرم تیل میں دھیمی آنچ پر براؤن ہونے دیں، پھر اس کے بعد نکال کر گھی میں ڈبو دیں۔ ذائقہ دار لٹی تیار ہے، اسے چٹنی کے ساتھ کھائیں۔

لٹی اور ستو بنانے کی یہ ترکیب ہمیں ہماری قاری گلناز مطیع الرحمٰن قاسمی نے مدھو بنی، بہار سے بھیجی ہے۔