فرائی بوٹیاں بنانے کی آسان ترکیب ملاحظہ کیجئے۔

درکار اجزاء: گوشت ایک کلو (بغیر ہڈی کا، درمیانی بوٹیاں کر لیں)، لونگ ۸؍ عدد، لہسن کے جوے ۱۰؍ عدد، سیاہ مرچ ایک چمچہ (کُٹی ہوئی)، تیل ایک پائو اور نمک حسب ِذائقہ۔
بنانے کا طریقہ: ایک برتن میں گوشت، نمک، لونگ، لہسن کے جوے اور پانی ڈال کر اس قدر اُبالیں کہ گوشت گل جائے۔ اب فرائنگ پین میں تیل گرم کرکے گوشت ڈال دیں۔ جب گوشت کی رنگت بادامی ہوجائے، تو سیاہ مرچ چھڑک کے سلاد اور چٹنی کے ساتھ پیش کریں۔