مٹن کُنّا بنانے کی آسان ترکیب ملاحظہ کیجئے۔

درکار اجزاء: گوشت (بونگ کا) آدھا کلو، سونف (پسی ہوئی) آدھا چھوٹا چمچہ، پیاز دو سے تین عدد باریک کٹی ہوئی، جائفل آدھا چھوٹا چمچہ، ادرک آدھا چھوٹا چمچہ (پسا ہوا)، لہسن ایک چمچہ (پسا ہوا)، آٹا دو بڑے چمچے، نمک حسب ذائقہ، لونگ چار عدد، الائچی دو عدد، لال مرچ ڈیڑھ چھوٹے چمچے، تیل آدھا کپ، پانی حسب ِ ضرورت۔
بنانے کا طریقہ: ایک دیگچی میں حسب ِ ضرورت پانی، ایک چمچہ پسا ادرک لہسن اور نمک ڈال کر گلنے کے لئے رکھ دیں۔ ایک الگ دیگچی میں پیاز کو ہلکا براؤن کرلیں اور اس میں لہسن ادرک کا پیسٹ، لال مرچ اور نمک ڈال کر مسالہ اچھی طرح بھون لیں۔ یخنی میں سے گوشت نکال کر وہ بھی مسالے میں شامل کرلیں۔ لونگ، الائچی، جائفل اور سونف پیس کر مسالے میں ملائیں اور بچی ہوئی یخنی میں آٹا گھول کر وہ بھی سالن میں ملا دیں اور دس منٹ تک پکائیں۔ مٹن کُنا کو گرم گرم نان کے ساتھ نوش فرمائیں۔