پالک کا سوپ بنانے کی آسان ترکیب ملاحظہ کیجئے۔

درکار اجزاء: پالک ایک کلو، یخنی ایک لیٹر، کارن فلور ایک چمچہ، نمک اور کالی مرچ حسب ِ ذائقہ۔
بنانے کا طریقہ: دیگچی میں پانی خوب گرم کر لیں، اس میں پالک ڈالیں، ۵؍ منٹ بعد نکال کر ٹھنڈے پانی کے پیالے میں ڈال دیں۔ اب پالک کو ٹھنڈے پانی سے نکال کر بلینڈر میں ڈال کر پیس لیں۔ ایک دیگچی میں پسی ہوئی پالک، نمک، مرچ اور کچھ دیر بعد یخنی بھی ڈال دیں۔ دس منٹ تک پکنے دیں۔ کارن فلور کو تھوڑے سے پانی میں ملا کر ڈال دیں۔ جب سوپ گاڑھا ہو جائے تو کسی گہرے برتن میں ڈال کر پیش کریں۔