آج افطار میں بنایئے خاص پکوان ’’چیز فریٹرز۔‘‘ اس کی آسان ترکیب ملاحظہ کیجئے۔

درکار اجزاء: کاٹیج چیز ۲؍ پیالی، نمک حسب ِ ذائقہ، میدہ ایک پیالی، کارن فلور آدھی پیالی، چائنیز نمک آدھا چھوٹا چمچہ، سفید مرچ ایک چھوٹا چمچہ، انڈے کی سفیدی ۲؍ عدد، تلنے کیلئے تیل۔
بنانے کا طریقہ: کاٹیج چیز کو کچھ دیر فریج میں رکھ کر اس کے چوکور ٹکڑے کاٹ لیں۔ میدہ اور کارن فلور ملا کر اس میں نمک، چائنیز نمک اور سفید مرچ ملا لیں۔ انڈے کی سفیدیوں کو اچھی طرح پھینٹ لیں اور اس میں مسالے ملا ہوا میدہ تھوڑا تھوڑا کرکے شامل کرلیں۔ یخ ٹھنڈا پانی ڈال کر گاڑھا سا مکسچر بنا لیں۔ کڑاہی میں تیل ڈال کر درمیانی آنچ پر ۳؍ سے ۴؍ منٹ گرم کرلیں۔ چیز کے ٹکڑوں کو آمیزے میں ڈبو کر سنہرا فرائی کرلیں۔ مزیدار چیز فریٹرز کو املی کی چٹنی یا کیچپ کے ساتھ افطار میں گرم گرم پیش کریں۔