آج افطار میں بنایئے خاص پکوان ’’چکن باکس پیٹیز۔‘‘ اس کی آسان ترکیب ملاحظہ کیجئے۔

درکار اجزاء: مکھن ایک بڑا چمچہ، پیاز کٹی ہوئی آدھی، آٹا ۲؍ عدد بڑے چمچے، دودھ ایک کپ، مرغی کی یخنی ایک کپ، کالی مرچ ایک چھوٹا چمچہ، سفید مرچ ایک چھوٹا چمچہ، لہسن کا پائوڈر چھوٹا چمچہ، مکس ہربز آدھا چھوٹا چمچہ، شملہ مرچ باریک کٹی ہوئی ایک چوتھائی، مرغی کے گوشت کے ریشے ۲۰۰؍ سو گرام، سویا سوس ایک چھوٹا چمچہ، لال مرچ پسی ہوئی آدھا چھوٹا چمچہ، سرسوں کا پیسٹ آدھا چھوٹا چمچہ، آٹا ۲؍ عدد بڑے چمچے، پانی حسب ِ ضرورت، سموسہ پٹی حسب ِ ضرورت، موزیلا چیز کتری ہوئی حسب ِ ضرورت، انڈےپھینٹے ہوئے ۲؍ عدد، ڈبل روٹی کا چورا حسب ِ ضرورت، تیل تلنے کیلئے حسب ِ ضرورت۔
بنانے کا طریقہ: ایک فرائنگ پین میں مکھن ڈال کر گرم کریں اس میں کٹی ہوئی پیاز شامل کریں اور اسے بھون کر برائون کرلیں۔ اب اس میں آٹا ڈالیں اور اچھی طرح مکس کریں۔ اب اس میں تھوڑا تھوڑا کرکے دودھ ڈالیں اور مکس کریں تاکہ اس میں اچھی طرح گاڑھا پن پیدا ہوجائے۔ اب اس میں مرغی کی یخنی ڈالیں اور اچھی طرح ملائیں۔ اب اس میں پسی ہوئی کالی اور سفید مرچ ڈالیں اور اچھی طرح مکس کریں۔ اب اس میں لہسن کا پائوڈر اور مکس ہربز ڈالیں اور اچھی طرح ملائیں۔ اب اس میں کٹی ہوئی شملہ مرچ ڈالیں اور اچھی طرح مکس کریں۔ اس کے بعد اسے اٹھا کر ایک طرف رکھ دیں تاکہ بعد میں کام آئے۔ اب ایک بڑے پیالے میں مرغی کے ریشے، پہلے سے بنایا ہوا سفید ساس، سویا ساس، پسی ہوئی لال مرچ اور سرسوں کا پیسٹ ڈالیں اور اچھی طرح مکس کریں۔ اب ایک چھوٹے پیالے میں آٹے میں پانی ڈال کر لئی بنالیں تاکہ باکس پیٹیز کو بند کرنے کے کام آسکے۔ اب سموسہ پٹی لے کر اس پر آٹے کی لئی لگائیں اس کے اوپر کراس کی شکل میں ایک اور پٹی رکھیں اور اسے پہلے سے بنائے ہوئے آمیزے اور کتری ہوئی موزریلا چیز سے بھر کر چاروں طرف سے بند کردیں۔ اب اسے پھینٹے ہوئے انڈوں کے آمیزے میں ڈبو کر نکالیں اور ڈبل روٹی کے چورے کی تہہ چڑھالیں۔ اب چکن باکس پیٹیز کو اچھی طرح تیل میں فرائی کرلیں تاکہ وہ گولڈن برائون ہوجائیں۔ مزے دار چکن باکس پیٹیز تیار ہیں، اپنی پسندیدہ کیچپ یا چٹنی کے ساتھ کھائیں۔