آج افطار میں بنایئے خاص پکوان ’’فرائیڈ سیخ کباب۔‘‘ اس کی آسان ترکیب ملاحظہ کیجئے۔

درکار  اجزاء: بکرے کا قیمہ ایک کلو گرام، تازہ ہرا دھنیا کٹا ہوا آدھی گڈی، ثابت دھنیا ایک بڑا چمچہ، ادرک کٹا ہوا ایک بڑا چمچہ، لہسن کے جوے کٹے ہوئے ایک بڑا چمچہ، لال مرچ کُٹی ہوئی ایک بڑا چمچہ، کالی مرچ ایک چھوٹا چمچہ، الائچی ۲؍ سے ۳؍ عدد، لونگ ۲؍ سے ۳؍ عدد، بھُنے ہوئے چنے ایک کپ، کاجو، پسے ہوئے ۶۰؍ گرام، ہری مرچ کٹی ہوئی ۳؍ سے ۴؍ عدد، تیل ایک بڑا چمچہ۔
بنانے کا طریقہ: قیمے کو گرائنڈر میں ڈالیں اس کے ساتھ ہرا دھنیا، ثابت دھنیا، کٹا ہوا درک، کٹا ہوا لہسن، لال مرچ کُٹی ہوئی، کالی مرچ، الائچی، لونگ، بھُنے ہوئے چنے، پسے ہوئے کاجو، کٹی ہوئی ہری مرچ اور تیل ڈال کر اچھی طرح گرائنڈ کرلیں۔ اپنے ہاتھوں پر ہلکا سا تیل لگا کر پسے ہوئے قیمے کے کباب بنالیں۔ اب ایک فرائنگ پین میں تیل ڈال کر اچھی طرح گرم کریں اور اس میں کباب تلیں۔ ہر کباب کو دونوں طرف سے ۶؍ سے ۸؍ منٹ تک تلیں تاکہ وہ اچھی طرح پک جائے، پھر اسے نکال کر ٹشو پیپر پر رکھ لیں تاکہ اضافی تیل جذب ہوجائے۔ مزیدار فرائڈ سیخ کباب تیار ہیں۔