آج افطار میں بنایئے خاص پکوان ’’شاہی فیرنی۔‘‘ اس کی آسان ترکیب ملاحظہ کیجئے۔

درکار اجزاء: دودھ ایک لیٹر، شکر ۲۵۰؍ گرام، کھویا ۱۰۰؍ گرام، کاجو ۵۰؍ گرام، باسمتی چاول ایک کٹوری، کٹے ہوئے بادام پستہ ۵۰؍ گرام، گھی ۵۰؍ گرام، کیوڑہ حسب ذائقہ، چاندی کے ورق حسب ذائقہ، جائفل الائچی آدھا چمچہ، گلاب جامن ۲۵۰؍ گرام۔
بنانے کا طریقہ: دودھ میں شکر ڈال کر ابال لیں۔ چاول کو بھون کر مکسر میں پیس لیں۔ ۵؍ منٹ کیلئے بھگو دیں، بعد میں ابلتے ہوئے دودھ میں شامل کرکے دھیمی آنچ پر پکنے دیں اور چمچے سے چلاتی رہیں تاکہ لگ نہ جائے۔ گاڑھا ہونے لگے تو دوسرے چولہے پر چھوٹی پتیلی میں گھی گرم کرکے اس میں کٹے ہوئے بادام، پستہ، کھویا اور ملائی شامل کرکے ۵؍ منٹ تک بھون کر فیرنی میں ڈال دیں اور اچھی طرح ملالیں۔ بعد میں سجاوٹ کیلئے ایک خوبصورت سی ڈش میں نکالیں اس پرکیو ڑہ، جائفل، الائچی پاؤڈر اور چاندی کے ورق لگائیں۔ گلاب جامن ترتیب سے رکھیں، اوپر سے کاجو سے سجائیں۔ تیار ہے شاہی فیرنی۔ ٹھنڈا کرکے پھل بھی شامل کرسکتی ہیں۔ افطار میں ٹھنڈا ٹھنڈا لطف اٹھائیں۔