اسٹرابیری چیز کیک آئس کریم بنانے کی آسان ترکیب ملاحظہ کیجئے۔

درکار اجزاء: کریم چیز ۸؍ اونس، کنڈینسڈ ملک ۱۴؍ اونس، کریم ایک چوتھائی کپ، لیموں کا چھلکا (کدو کش) ۲؍ بڑے چمچے، اسٹرابیریز ایک سے ڈیڑھ کپ، موٹے کٹے بسکٹ ۳؍ عدد۔
بنانے کا طریقہ: ایک بلینڈر میں کریم چیز، کنڈینسڈ ملک، کریم اور لیموں کا کدو کش کیا ہوا چھلکا شامل کرکے اچھی طرح بلینڈ کرلیں۔ اب اسے ہوا بند ڈبے میں ڈال کر تقریباً ۴؍ گھنٹے کے لئے فریز کر دیں۔ اسٹرابیریز کو بلینڈر میں اچھی طرح پیس کر پیوری بنالیں۔ فریز کئے ہوئے کریم چیز والے آمیزے کو مکسر کی مدد سے اچھی طرح پھینٹ لیں۔ پھر اسٹرابیری کی پیوری کو کٹے بسکٹ والے آمیزے میں اچھی طرح ملائیں۔ اب آئس کریم کو واپس ہوا بند ڈبے میں ڈال کر ۸؍ گھنٹے کے لئے فریزر میں رکھ دیں۔ سرونگ سے ۱۵؍ منٹ پہلے آئس کریم فریزر سے نکال کر روم ٹمپریچر میں نرم کرلیں۔