شہری انتظامیہ کے مطابق جھیلوں میں پانی کی کمی کٹوتی کا سبب ہے

شہری انتظامیہ نے آگا ہ کیا ہے کہ شہر میں پانی سپلائے کرنے والی جھیلوں میں پانی کی کمی اور مانسون کے تاخیر سے آنے کے سبب یکم جولائی سے پانی کی ۱۰؍ فیصدکٹوتی کی جائے گی ۔ اس تعلق سے برہمن ممبئی میونسپل کارپوریشن کےکمیشنر اقبال سنگھ چہل نے عوام سے پانی کو حفاظت سے استعمال کرنے کی تاکید کی ہے ۔ انہوںنے پی ٹی آئی کو بتایا کہ ’’ جھیلوں میں پانی کی کمی ہونے کی وجہ سے بی ایم سی نے یکم جولائی سے شہر میں ۱۰؍ فیصد پانی کی کٹوتی کرنے کا فیصلہ کیا ہے ۔ اب تک ممبئی کی سات جھیلوں میں پانی کی مقدار صرف ۳؍ ہزار ۸۰۰؍ ملین لیٹر ہے ۔جبکہ آج صبح ۶؍ بجے تک جھیلوں کے پانی میں ۷؍ فیصد پانی کا اضافہ ہوا ہے ۔ ۲۰۲۱ء اور ۲۲ء میں اسی دن پانی کی شرح ۹ء۴؍ فیصد اور ۱۶ء۴۴؍فیصد تھی ۔