اقوام متحدہ کے ذیلی ادارے یونیسیف نے اپنی رپورٹ میں کہا کہ ۵۲؍ ملین سے زیادہ بچے تعلیم سے محروم ہیں اور اس بحران میں غزہ اور سوڈان سب سے آگے ہیں۔ اقوام متحدہ نے خبردار کیا ہے کہ دنیا بھر میں ہر پانچ میں سے ایک بچہ جنگ سے متاثرہ علاقوں میں رہتا ہے۔

اقوام متحدہ نے خبردار کیا ہے کہ دنیا بھر میں ہر پانچ میں سے ایک بچہ جنگ سے متاثرہ علاقوں میں رہتا ہے۔ عالمی ادارہ برائے اطفال یونیسیف نے کہا ہے کہ ۴۷۳؍ ملین بچوں کو دوسری جنگ عظیم کے بعد بدترین تشدد کا سامنا ہے جبکہ ۱۹۹۰ء کے بعد سے یہ تعداد تقریباً دوگنی ہو گئی ہے۔ اقوام متحدہ نے کہا کہ اس نے۲۲؍ ہزار ۵۵۷؍ بچوں کے خلاف ریکارڈ ۳۲؍ ہزار ۹۹۰؍ سنگین خلاف ورزیوں کی نشاندہی کی ہے، جو ریکارڈ پر سب سے زیادہ تعداد ہے۔ اس میں مزید کہا گیا ہے کہ غزہ میں اسرائیلی جارحیت کے نتیجے میں جاں بحق ہونے والے ۴۵؍ ہزار افراد میں سے ۴۴؍ فیصد بچے تھے جبکہ ۲۰۲۴ء کے پہلے نو مہینوں میں یوکرین کی جنگ میں پچھلے سال کے مقابلے میں زیادہ بچوں کی ہلاکتیں ہوئیں۔

Don`t scroll, retweet
It really bothers me how trends are used this way, and what bothers me more is that people have to create flashy content just to get your attention.
All I want is to help kids.. I won`t say much!https://t.co/Io6ffP9Pyc pic.twitter.com/IpMFKr0not

— Muhammad in Gaza🇵🇸 (@7MohammedKhaled) December 15, 2024

یونیسیف کی ایگزیکٹو ڈائریکٹر کیتھرین رسل نے کہا کہ ’’یونیسیف کی ریکارڈ تاریخ کے مطابق ۲۰۲۴ء بچوں کیلئے اب تک کا بدترین سال رہا ہے۔ پُر امن علاقوں میں رہنے والے بچوں کے مقابلے میں تنازعات کے علاقوں میں پروان چڑھنے والے بچے کے اسکول سے باہر ہونے، غذائی قلت کا شکار ہونے یا اپنے گھر سے مجبور ہونے کا خدشہ بہت زیادہ ہوتا ہے۔ یہ نیا معمول نہیں ہونا چاہئے۔ ہم بچوں کی ایک نسل کو دنیا کی بے قابو جنگوں کیلئے کولیٹرل ڈیمیج بننے کی اجازت نہیں دے سکتے۔‘‘

Stop killing kids in Gaza🇵🇸 pic.twitter.com/BIgoLIAIoH

— Mike (@Fleabag2016) September 22, 2024

یونیسیف نے مزید کہا کہ نوجوان خواتین اور لڑکیوں کے خلاف جنسی تشدد میں نمایاں اضافہ ہوا ہے۔ ہیتی میں ۲۰۲۴ء میں عصمت دری اور جنسی زیادتی کے واقعات میں ایک ہزار فیصد اضافہ ہوا۔ غذائی قلت بھی تنازعات والے علاقوں میں بچوں کیلئے صدمے کی ایک بڑی وجہ ہے، یونیسیف نے خاص طور پر سوڈان اور غزہ میں اس کے اثرات پر توجہ مرکوز کی ہے۔ اس نے مزید کہا کہ تنازعات سے متاثرہ پانچ ممالک میں تقریباً نصف ملین افراد قحط سے متاثر ہیں۔ جولائی میں پولیو پھیلنے کے سبب اقوام متحدہ نے بڑے پیمانے پر ویکسین مہم شروع کی۔دنیا کے ۴۰؍ فیصد غیر ویکسین شدہ بچے تنازعات والے علاقوں میں یا اس کے قریب رہتے ہیں۔ یونیسیف نے مزید کہا کہ ۵۲؍ ملین سے زیادہ بچے تعلیم تک رسائی سے محروم ہیں، غزہ اور سوڈان ایک بار پھر اس بحران میں سب سے آگے ہیں۔

Nearly 1 in 5 children in #SouthSudan has been forced to flee their home – @Refugees https://t.co/dl42iwbOL0 pic.twitter.com/908WgD21Dg

— United Nations (@UN) May 8, 2017

یوکرین، ڈیموکریٹک ریپبلک آف کانگو، اور شام نے بھی اپنے تعلیمی انفراسٹرکچر کو تباہ ہوتے دیکھا ہے۔ دریں اثناء چیریٹی وار چائلڈ نے دسمبر کے اوائل میں اطلاع دی تھی کہ غزہ کے ۹۶؍ فیصد بچوں کا خیال ہے کہ موت قریب ہے، تقریباً نصف صدمے کو بیان کرتے ہیں جس نے انہیں محسوس کیا کہ مرنا مناسب ہوگا۔ رسل نے کہا کہ ’’جنگی علاقوں میں بچوں کو روزانہ بقا کی جدوجہد کا سامنا کرنا پڑتا ہے جو انہیں بچپن سے محروم کر دیتی ہے۔ ان کے اسکولوں پر بمباری کی جاتی ہے، گھر تباہ ہوتے ہیں، اور خاندان بکھر جاتے ہیں۔ وہ نہ صرف اپنی حفاظت اور زندگی کو برقرار رکھنے کی بنیادی ضروریات تک رسائی سے محروم ہو جاتے ہیں، بلکہ ان کے کھیلنے، سیکھنے اور صرف بچے بننے کا موقع بھی ضائع ہو جاتا ہے۔ دنیا ان بچوں کو ناکام بنا رہی ہے۔ ۲۰۲۵ء میں ہمیں بچوں کی زندگیوں کو بچانے اور بہتر بنانے کیلئے ٹھوس اقدامات کرنے ہوں گے۔‘‘