ابتدائی شدید جھٹکوں کے بعد ایک اور زلزلہ آیا جس کی شدت۴ء۹؍ تھی۔اردگان کےمطابق حکام صورتحال پر گہری نظر رکھے ہوئے ہیں۔

ترکی کے شہر استنبول میں۲ء۶؍ شدت سے زلزلہ آیا ہے۔ ترکی کے محکمہ آفات و ہنگامی حالات `اے ایف اے ڈی ` کے مطابق زلزلے کا مرکز استنبول کی تحصیل سیلیوری میں تھا۔ زلزلہ مقامی وقت کے مطابق بدھ کی دوپہر ۱۲؍ بج کر ۴۹؍منٹ پر آیا۔ جھٹکے استنبول اور اس کے قریبی اضلاع میں شدت سے محسوس کئے گئے ہیں۔ عوام خوف و ہراس میں مبتلا ہوگئے اور عمارتوں سے باہر نکل آئے۔ 
 ابتدائی شدید جھٹکوں کے بعد ایک اور زلزلہ آیا جس کی شدت۹ء۴؍ تھی۔ یہ زلزلہ ایک بج کر۲؍ منٹ پر آیا اور اس کا مرکز بحیرہ مارمرہ کے ساحل کے قریب بویوک چیکمےجے کے علاقے میں تھا۔ اے ایف اے ڈی نے کہا کہ تمام متعلقہ ادارے اور امدادی ٹیمیں متحرک کر دی گئی ہیں اور ممکنہ نقصان کا جائزہ لینے اور عوام کی حفاظت کو یقینی بنانے کے لئے کارروائیاں جاری ہیں۔ 
 ایجنسی نے کہا ہے کہ ٹیمیں صورتحال کی فعال نگرانی کر رہی ہیں اور امدادی کوششوں کو مربوط کر رہی ہیں۔ فوری طور پر کسی جانی نقصان یا بڑے نقصان کی اطلاع نہیں ملی۔ 
 ترکیہ کے صدر رجب طیب اردگان نے زلزلے سے متعلق جاری کردہ بیان میں کہا ہےکہ حکام صورتحال پر گہری نظر رکھے ہوئے ہیں۔