رہائشی پراپرٹی لانچ کی قیمتوں میں۵؍ برسوں میں۹۴؍ فیصد کااضافہ ،مکانات کے دام بھی بڑھے، پروپ ایکویٹی کی رپورٹ۔

 صارفین کے بڑھتے ہوئے اعتماد، تیزی سے بڑھتے جاب مارکیٹ اور مضبوط بنیادی ڈھانچے کی ترقی کی وجہ سے۲۴-۲۰۲۳ء تک ختم ہونے والے پچھلے ۵؍ مالی برسوں میں ہندوستان کے ٹاپ۱۰؍ ٹائر ۲؍ شہروں میں رہائشی پراپرٹی لانچ کی قیمتوں میں ۹۴؍ فیصد تک کا اضافہ ریکارڈ کیا گیا ہے۔ 
 ڈیٹا اینالیٹکس فرم پروپ ایکویٹی کے مطابق گزشتہ۵؍ مالی برسوں میں ۳۰؍ ٹائر۲؍شہروں میں سے۲۴؍میں لانچ کی قیمتوں میں دوہرے ہندسے کا اضافہ ریکارڈ کیا لیکن باقی۶؍ میں سنگل ہندسے کی قیمت میں اضافہ ریکارڈ کیا گیا۔ دلچسپ بات یہ ہے کہ ان۳۰؍ شہروں میں سے، سرفہرست ۱۰؍شہروں میں رہائشی املاک لانچ کی قیمتوں میں ۵۴؍ فیصد سے ۹۴؍ فیصد (مالی سال۲۰۲۰ء سے مالی سال۲۰۲۴ء تک) اضافہ دیکھا گیا، جس میں شمالی علاقہ میں آگرہ میں سب سے زیادہ۹۴؍ فیصد اضافہ ہوا۔ گوا (۹۰؍فیصد)، منگلور (۵۶؍فیصد) اور اندور (۷۲؍فیصد) نے بالترتیب مغربی، جنوبی اور وسطی/مشرقی علاقوں میں سب سے زیادہ چھلانگ درج کی۔ 
پروپ ایکویٹی کے بانی اور سی ای او سمیر جسوجا نے کہا، ’’پچھلے ۵؍ مالی سالوں میں نئے لانچوں کے مقابلے میں ڈیمانڈ کافی زیادہ ہونے کی وجہ سے ٹائر۲؍ شہروں میں قیمتوں میں اضافہ دیکھا گیا ہے۔ اقتصادی ترقی، بڑھتے ہوئے رابطے، بنیادی ڈھانچے کی ترقی اور مضبوط ملازمتوں کی منڈیوں سے صارفین کے اعتماد میں اضافہ نے ان میں سے بیشتر شہروں میں قیمتوں کو دوہرے ہندسوں تک بڑھا دیا ہے۔ گھر کے متلاشیوں اور سرمایہ کاروں کی بڑھتی ہوئی دلچسپی کے ساتھ، ٹائر۲؍ شہروں نے پچھلے پانچ مالی برسوں میں معروف ڈویلپرز کوبھی راغب کیا ہے۔ یہ رجحان ہندوستان کی اقتصادی اور سماجی ثقافتی ترقی میں ان شہروں کی بڑھتی ہوئی اہمیت کو ظاہر کرتا ہے۔ ‘‘
 ٹاپ۱۰؍ ٹائر۲؍ شہروں میں رہائشی املاک کی قیمتیں – آگرہ، گوا، لدھیانہ، اندور، چندی گڑھ، دہرادون، احمد آباد، بھونیشور، منگلور اور تریویندرم- نے مالی سال۲۰-۲۰۱۹ءاور مالی سال۲۴-۲۰۲۳ءکے درمیان۵۴؍ فیصد سے ۹۴؍ فیصد تک دوہرے ہندسے کا اضافہ ریکارڈ کیا۔ شمالی علاقہ میں جائیداد کی قیمتیں آگرہ، لدھیانہ، چندی گڑھ، دہرادون، جے پور، موہالی اور لکھنؤ مالی سال۲۰-۲۰۱۹ء اور مالی سال ۲۴-۲۰۲۳ء کے درمیان۳۸؍ فیصد سے لے کر۹۴؍ فیصد تک دوہرے ہندسے میں اضافہ ریکارڈ کیا۔ جنوبی خطہ میں جائیداد کی قیمتیں – منگلور، تریویندرم، میسور، کوچی، کوئمبٹور اور وشاکھاپٹنم نے مالی سال۲۰-۲۰۱۹ء اور مالی سال ۲۴-۲۰۲۳ء کے درمیان۱۱؍ فیصد سے۵۷؍ فیصد کے درمیان دوہرے ہندسوں کا اضافہ ریکارڈ کیا لیکن وجئے واڑہ میں قیمتوں میں صرف ۷؍ فیصد اضافہ دیکھا گیا۔ 
 مشرقی اور وسطی زونوں میں پراپرٹی کی قیمتیں – اندور، بھونیشور، بھوپال اور رائے پور – مالی سا ل ۲۰-۲۰۱۹ءاور مالی سال۲۴-۲۰۲۳ء کے درمیان۲۶؍ فیصد سے۷۲؍ فیصد تک دوہرے ہندسے کا اضافہ ریکارڈ کیا۔ ۳۰؍ ٹائر۲؍شہروں میں امرتسر، موہالی، لدھیانہ، چندی گڑھ، پانی پت، دہرادون، بھیواڑی، سونی پت، جے پور، آگرہ، لکھنؤ، بھوپال، اندور، وشاکھاپٹنم، وجے واڑہ، گنٹور، گوا، منگلور، میسور، کوئمبٹور، کوچی، تریوندرم، رائے پور، بھونیشور، احمد آباد، گاندھی نگر، بڑودہ، سورت، ناسک اور ناگپورشامل ہیں۔