ماول میں لگژری بس اور مال بردار ٹرک میں بھیانک تصادم ہوا ہے۔ اس حادثے میں ۲؍افراد کی موت ہوئی ہے جبکہ ۶؍افراد زخمی ہیں۔

ماول میں لگژری بس اور مال بردار ٹرک میں بھیانک تصادم ہوا ہے۔ اس حادثے میں ۲؍افراد کی موت ہوئی ہے جبکہ ۶؍افراد زخمی ہیں۔لگژری بس پنڈھرپور جارہی تھی۔ پولیس کے مطابق لگژری بس کے ڈرائیور نے قابو کھودیا اور سامنے سے آنے والی تیزرفتار مال بردار ٹرک سے ٹکراگئی۔ حادثے کے سبب مذکورہ راستے پر کچھ گھنٹوں کیلئے ٹریفک جام رہا۔ ’لوک ستہ‘ کی رپورٹ کے مطابق یہ بھیانک حادثہ اتوار کی صبح ۳۰:۶؍ بجے کے قریب پنڈھرپور کے پا واقع بھوٹمنبرے گاؤں کے پاس پیش آیا ہے۔ لگژری بس میں سوار افراد پنڈھرپور مندر کے درشن کو جارہے تھے۔جس وقت ہندوزائرین سے بھری یہ بس(ایم ایچ ۱۴-ایس ایل ۳۹۵۵) پنڈھرپور ٹیمبھورنی روڈ پر پہنچی ، حادثہ کا شکار ہوگئی۔پولیس نے بتایا کہ بس کے ڈرائیور نے آگے چل رہی ایک گاڑی کوتیزی سے  اوور ٹیک کرنے کی کوشش کی ، اس دوران بس پر اس کا قابو نہ رہا اور وہ سامنے سے آرہے تیز رفتار ٹرک (آر جے ۱۴-جی ایل ۱۷۸۰)سے جاٹکرایا۔ تصادم اتنا بھیانک تھا کہ جائے حادثہ پر ہی دو افراد ہلاک ہوگئے۔ جبکہ ۶؍افراد کو شدید زخم آئے۔