گزشتہ دنوں محبوب اسٹوڈیو سے باندرہ کے گلیکسی اپارٹمنٹ تک سلمان خان کی کار کا موٹر سائیکل کے ذریعے پیچھا کرکےان کی کار تک پہنچنے کی کوشش کرنے والے ۲۱؍ سالہ نوجوان کو پولیس نے تحویل میں لے لیا اورپوچھ تاچھ کے بعد چھوڑ دیا۔

گزشتہ دنوں محبوب اسٹوڈیو سے باندرہ کے گلیکسی اپارٹمنٹ تک سلمان خان کی کار کا موٹر سائیکل کے ذریعے پیچھا کرکےان کی کار تک پہنچنے کی کوشش کرنے والے ۲۱؍ سالہ نوجوان کو پولیس نے تحویل میں لے لیا اورپوچھ تاچھ کے بعد چھوڑ دیا۔ پولیس کے مطابق پیر اور منگل کی درمیان شب تقریباً ۲؍ بج کر ۱۵؍ منٹ پر سلمان خان ہل روڈ پر واقع محبوب اسٹوڈیو سے نکل کر باندرہ میں اپنی رہائش گاہ جارہے تھے۔ اس دوران ایک نوجوان موٹر سائیکل پر ان کی گاڑی کا پیچھا کرنے لگا۔ اگرچہ اداکار کے سیکوریٹی گارڈ نے راستے میں اسے ہٹانے کی بھی کوشش کی لیکن وہ ان کے قریب ہی رہا اور آخر میں موٹر سائیکل ہی سے سلمان خان کے پاس پہنچنے کی کوشش کی جس پر گلیکسی اپارٹمنٹ پر موجود پولیس اہلکاروں کو اس کی اطلاع دی گئی اور انہوں نے اسے تحویل میں لے لیا۔