افریقی ملک گنی میں فٹ بال ٹورنا منٹ کے ایک میچ کے دوران ریفری کے ایک فیصلے سے شروع ہوا اختلاف پر تشدد جھڑپوں میں تبدیل ہو گیا، اس تصادم میں تقریباً ۱۰۰؍ افراد ہلاک ہو گئے۔

گنی کی مقامی میڈیا کے مطابق، اتوار کو فٹ بال میچ کے دوران پرتشدد جھڑپوں میں تقریباً ۱۰۰؍افراد ہلاک ہو گئے۔یہ تشدد مغربی افریقی ملک کے دوسرے سب سے بڑے شہرزیریکور میں لابے اور زیریکور فٹ بال ٹیموں کے درمیان میچ کے دوران شروع ہوا۔اگرچہ ہلاکتوں کی صحیح تعداد ابھی تک واضح نہیں ہے، لیکن مقامی اسپتال کے ذرائع نے درجنوں ہلاکتوں کی اطلاع دی۔ جائے وقوع پر موجود ایک ڈاکٹرکے مطابق مرنے والوں کی تعداد تقریباً ۱۰۰؍و سکتی ہے۔گنی کے وزیر اعظم باہ اوری نے ایکس پر ایک بیان میں تشدد کی مذمت کی۔انہوں نے کہا،کہ’’ حکومت ان واقعات پرافسوس کا اظہار کرتی ہے جنہوں نے آج دوپہر لیب اور نزریکور کی ٹیموں کے درمیان نزریکور میں فٹ بال میچ کو نقصان پہنچایا۔حکومت صورت حال پر گہری نظر رکھے ہوئے ہے اور پرسکون رہنے کی اپیل کرتی ہے تاکہ زخمیوں کو ابتدائی طبی امداد فراہم کرنے میں رکاوٹ نہ ہو۔‘‘

😳 Around 100 people have died as a result of clashes between fans at a #football match in #Guinea.

The incident was triggered by controversial referee decisions. Police used tear gas, and as fans tried to flee, leading to a stampede at the exits and death by suffocation. pic.twitter.com/LwUpNRW4vP

— Hrayr Dallakyan (@HrayrDallakyan) December 2, 2024

رپورٹ کے مطابق، ریفری کے فیصلوں میں دو لیب کھلاڑیوں کو ریڈ کارڈز ملنے کے بعد ایک ہی ٹیم کے خلاف جرمانے کے بعد تشدد شروع ہوا۔یہ میچ ۲۰۲۱ءمیں اقتدار سنبھالنے والے گنی کے فوجی لیڈرکرنل ماماڈی ڈومبویا کے اعزاز میں منعقد کیے گئے ٹورنامنٹ کا حصہ تھا۔ واضح رہے کہ زیریکور جس کی آبادی تقریباً ۲؍ لاکھہے، دارالحکومت کوناکری سے ۵۷۰کلومیٹر جنوب مشرق میں واقع ہے۔