کالی کٹ بین الاقوامی ہوائی اڈہ سے بحرین جانے والی ایئر انڈیا ایکسپریس کی پرواز ہوائی جہاز میں تکنیکی خرابیوں کی وجہ سے آٹھ گھنٹے سے زیادہ تاخیر کا شکار ہوگئی،تکنیکی خرابی کا پتہ چلنے کے بعد مسافروں کو جہاز سے اتار کر ہوائی اڈہ پر ٹہرایا گیا،عہدیداران کے مطابق مسافروں کو تین وقت کا کھانا فراہم کیا گیا،پرواز نےشام ۶؍بجے کے بعد اڑان بھری۔

 یہاں کالی کٹ بین الاقوامی ہوائی اڈہ سے بحرین جانے والی ایئر انڈیا ایکسپریس کی پرواز ہوائی جہاز میں تکنیکی خرابیوں کی وجہ سے آٹھ گھنٹے سے زیادہ تاخیر کا شکار ہوگئی۔ہوائی اڈے کے ذرائع نے بتایا کہ پرواز، ۱۵۰؍سے زیادہ مسافروں کے ساتھ، جو کوزی کوڈ سے صبح ۱۰؍بجے کے قریب روانہ ہونا تھی، آخر کار شام ۶؍بجے کے بعد اڑان بھری۔

ایئرلائن کے ترجمان نے بتایا کہ طیارے میں تکنیکی خرابی کی وجہ سے پرواز میں تاخیر ہوئی جس کا پتہ مسافروں کے سوار ہونے کے بعد چلا۔ترجمان نے کہا کہ اس کے بعد  تکنیکی مسئلہ حل ہونے تک مسافروں کو جہاز سے اتار کر ایئرپورٹ پر ہی ٹہرایا گیا ۔انہوں نے کہا کہ مسافروں کو کھانا فراہم نہ کرنے کی خبریں غلط ہیں کیونکہ انہیں تینوں وقت کا کھانا فراہم کیا گیا تھا۔