امیزون نے ایڈوانس اے آئی سے لیس اپنا نیا وائس اسسٹنٹ الیکسا + لانچ کیا ہے جو آئندہ چند ہفتوں میں صارفین کے فون میں ہوگا۔ امیزون پرائم ممبرس کیلئے یہ مفت ہے۔

گزشتہ دن امیزون نے نیویارک سٹی میں اپنا تازہ ترین وائس اسسٹنٹ Alexa+ (الیکسا پلس) لانچ کیا۔ یہ اسسٹنٹ ایڈوانس اے آئی سے لیس ہے۔ اس موقع پر امیزون کے آلات اور خدمات کے سینئر نائب صدر پانوس پنے نے کہا کہ نیا الیکسا رات کے کھانے کی ترکیبیں، دوستوں اور خاندان والوں کو پیغام بھیج سکتا ہے اور پارٹی کے دعوت نامے بھی روانہ کرسکتا ہے۔ امیزون نے کہا کہ الیکسا+ جنریٹیو اے آئی کا استعمال کرتے ہوئے بچوں کیلئے سونے کے وقت کی کہانیاں بھی بنا سکتا ہے۔ اسسٹنٹ دسیوں ہزار پارٹنر کمپنیوں کے ساتھ مخصوص کاموں کیلئے بھی کام کرے گا، جیسے کہ رائیڈ ہیلنگ ایپ کے ذریعے کار بلانا یا ریستوراں کی بکنگ کرنا۔ امیزون نے خبروں کے پبلشرز کے ساتھ ان کے مواد کو نمایاں کرنے کیلئے لائسنسنگ ڈیل بھی کی ہے۔ 

Amazon has just introduced Alexa+, an advanced AI-powered assistant built on Amazon’s AI models and Claude.

Think of it as ChatGPT Voice, but more powerful, featuring personalization, memory of past conversations, and agent-like capabilities.
pic.twitter.com/ZlunAszUTP

— Herby Charles (@RbyCharles) February 26, 2025

امیزون پرائم ممبرز کیلئے یہ اسسٹنٹ مفت ہوگا۔ دیگر صارفین کو الیکسا پلس کیلئے ماہانہ ۹۹ء۱۹؍ ڈالر (تقریباً ایک ہزار ۷۴۳؍ روپے) ادا کرنا ہوں گے۔ یہ فیس چیٹ جی پی پلس کی فیس سے تقریباً برابر ہے۔ امیزون نے کہا کہ چند ہفتوں میں صارفین الیکسا پلس تک رسائی حاصل کریں گے۔ آئندہ چند مہینوں میں الیکسا+ ایکو میں بھی لانچ ہوگا۔ امیزون نے کہا کہ اب الیکسا کیلئے مخصوص لب و لہجہ کا ہونا ضروری نہیں ہے۔ اسسٹنٹ اب کسی بھی لہجے میں صارفین کی بات سمجھ سکے گا۔ الیکسا+ آپ سے سیکھے گا اور اس کے مطابق کام کرے گا۔ تاہم، یہ واضح نہیں ہے کہ ہندوستانی صارفین کیلئے یہ کب دستیاب ہوگا۔