امریکہ میں ملعون سلمان رشدی پر حملہ کرنے والے ہادی کی اس دوخواست کو عدالت نے خارج کر دیا جس میں اس نے عدالت سے مقدمے کو منتقل کرنے کا مطالبہ کیا تھا، ہادی نے ایک تقریب میں سلمان رشدی پر چاقو سے ایک درجن سے زائد وار کئے تھے، جس میں رشدی کی ایک آنکھ ضائع ہو گئی تھی۔

۲۰۲۲ء میں ملعون سلمان رشدی پر چاقو سے حملہ کرنے والے ۲۶؍ سالہ ہادی مطر کے مقدمے کی سماعت نیو یارک میں ہی ہوگی، جمعہ کو عدالت نے کہا کہ نیو جرسی کےمکین حملہ آور پرمقدمہ اسی جگہ چلے گا جہاں رشدی پر حملہ ہوا تھا۔ہادی کے وکیل نے دلیل دی تھی کہ ہادی کو یہاں جانبدارانہ برتاؤ کا سامنا کرنا پڑے گا اس کی وجہ یہ ہے کہ علاقے میں عرب اور مسلمانوں کی آبادی کم ہے، اور اس حملے کی بڑے پیمانے پر تشہیر کی جا چکی ہے۔اس علاقے میں ۹۳؍ فیصد آبادی سفید فاموں کی ہے، لیکن مخالف وکیل نے اس عرضی کی مخالفت کی ۔ 

American of Lebanese descent, Hadi Matar, has done what 1.8 billion Muslims have been unable to do for the past 30 years.

According to police reports, Hadi Matar jumped up onto the stage where Rush(die) was present and precisely plunged a knife into Rushdie’s neck and abdomen. pic.twitter.com/OrNlNPcYNF

— Ramy (@Rammyyyyy_) August 13, 2022

ہادی مطر کے مقدمے کی سماعت ۱۵؍اکتوبر کو جیوری کے انتخاب سے کچھ دن پہلےروچیسٹر کی عدالت کے فیصلے تک روک دی گئی تھی، ۔مقدمے کی سماعت کی نئی تاریخ فوری طور پر مقرر نہیں کی گئی ۔واضح رہے کہ ہادی پر الزام ہے کہ اس نے ایک ادارے میں جہاں رشدی تقریر کرنے والاتھا، اس سے پہلے اس پرایک درجن سے زیادہ بار چاقو سے وار کئے۔ تب اسے دیگر افراد نے پکڑ لیا ۔ اس حملے میں شیطانی آیات نامی کتاب کے مصنف کو شدیدزخم آئے تھے،اس کے علاوہ اس حملے میں اس کی ایک آنکھ بھی ضائع ہو گئی تھی۔اس کے ساتھ ہی اس تقریب کا انعقاد کرنے والا بھی اس حملے میں زخمی ہو گیا تھا۔مطر پر قتل کی کوشش کا مقدمہ دائر کیا گیا۔اس کے علاوہ مطر نے بفیلو کی ضلع عدالت میں دہشت گردی کےمتعلق الزامات کا اعتراف کیا ہے۔