سمپل انرجی کمپنی نے اپنے اسکوٹر سمپل ڈاٹ ون کے دام میں ۴۰؍ ہزارروپے کا اضافہ کرنے کا اعلان کیا ہے ۔ یاد رہے کہ یہ اسکوٹر اب تک ایک لاکھ روپے میں دستیاب تھا لیکن اب اس کی قیمت ہوگی ایک لاکھ ۴۰؍ ہزار روپے۔

سمپل انرجی کمپنی نے اپنے اسکوٹر سمپل ڈاٹ ون  کے دام میں ۴۰؍ ہزارروپے کا اضافہ کرنے کا اعلان کیا ہے ۔ یاد رہے کہ یہ اسکوٹر اب تک ایک لاکھ روپے میں دستیاب تھا لیکن اب اس کی قیمت ہوگی ایک لاکھ ۴۰؍ ہزار روپے۔ 
 یاد رہے کہ ۹۹؍ ہزار ۹؍ سو ۹۹؍ روپے کی قیمت اس کی لانچنگ کیلئے رکھی گئی تھی۔ ۱۵؍ دسمبر کو جب اس اسکولٹر کو لانچ کیا گیا تو  اسے خریدنے والوں کو یہ ایک لاکھ روپے کے اندر فراہم کی گئی تھی ۔ لیکن اب اس کے دام میں  اضافہ کر دیا جائے گا۔ اس کی نئی بکنگ ۲۷؍ جنوری ۲۰۲۴ء سے شروع کی جائے گی۔ تب لوگوں کو اس کے نئے دام ادا کرنے ہوں گے۔  کمپنی کا کہنا ہے کہ اس کا رینج بڑھا دیا گیا ہے۔ ساتھ ہی اسکوٹر میں کئی سہوللیات بھی فراہم کی جائیں گی۔ یاد رہے کہ مذکورہ اسکوٹر نوجوان طبقے میں خاصی پسند کی جا رہی ہے۔ اس کی بکنگ بھی بڑے پیمانے پر ہوئی تھی۔ اسی کو دیکھتے ہوئے کمپنی نے دام بڑھانے کا فیصلہ کیا ہے۔ دیکھنا ہے اس کا اس کی سیل پر کتنا اثر پڑتا ہے۔