وزیر تعلیم نے اراکین اسمبلی کےسوال کے جواب میںغیر قانونی اسکولوںکو رعایت دینے اور طلبہ کی پڑھائی کانقصان نہ ہونے دینے کا وعدہ کیا

ممبئی سمیت ریاست کےدیگر اضلاع کےغیرقانونی اسکولوں کو بند کرنےکے حکومت کےفیصلہ پر جمعہ کو ریاستی اسمبلی اجلاس میں متعد داراکین اسمبلی نے ان اسکولوں کے بچوںکی تعلیم سےمتعلق سوالات اُٹھائے تھے ۔ اس کے جواب میں وزیر تعلیم دیپک کیسرکر نے غیر قانونی اسکولوںکو راحت دینےکا اعلان کیاہے۔انہوںنےکہاکہ ان اسکولوں میں پڑھنے والے بچوں کی پڑھائی کا نقصان نہیں ہونے دیا جائے گا۔
 اسکولی تعلیم کے وزیر کیسرکرنے کہاکہ غیر قانونی اسکولوںکو رعایت دی جائے گی۔ جن اسکولوں نے فرضی  دستاویزات جمع کرائیں ہیں انہیں بند کر نےکا فیصلہ کیاگیاہے۔ان اسکولوں میں سے کچھ اسکولوںکےپاس این اوسی نہیں ہے تو متعدد اسکول ایسے ہیں جنہوںنے ڈپازٹ کی رقم جمع نہیں کروائی ہے۔ بعض اسکولوںمیں جگہ کی قلت ہے۔ کچھ اسکولوں میں جگہ کا مسئلہ ہے۔ ایسے اسکولوں کےمسائل پر ہمدردانہ غوروخوض کیاجائے گااور رعایتیں دے کر زیادہ سے زیادہ اسکولوں کو ریگولرائز کرنے کا منصوبہ ہے۔ 
  واضح رہے کہ جمعہ کو اسمبلی میں غیر قانونی اسکولوں کا معاملہ زیر بحث رہا۔ بحث کے دوران ریاست کے کئی اراکین اسمبلی نے اپنے علاقوں  کے غیر قانونی اسکولوںمیں زیر تعلیم طلبہ کے مسائل اجاگرکئےاور ان اسکولوں کےبندہونے کی صورت میں طلبہ کی پڑھائی کانقصان ہونے کی جانب وزیر تعلیم کی توجہ مبذول کرائی ۔ ارکین اسمبلی  کے سوالوں کے جواب میں وزیر تعلیم کیسرکر نے کہا کہ اس بات کا خیال رکھا جا رہا ہے کہ غیر قانونی اسکولوں کو بند کرنے سےبچوںکی پڑھائی کا نقصان  نہ ہونے دیا جائے۔ 
 انہوںنےیہ بھی کہاکہ ’’ غیر قانونی اسکولوں کے بارے میں ایک کمیٹی تشکیل دی گئی تھی۔ اس کمیٹی کی رپورٹ موصول ہو گئی ہے۔ جن اسکولوں کو ریگولرائز نہیں کیا گیا، وہاں کے طلبہ کو دوسرے اسکولوں میں بھیجنا ضروری ہے۔ اس کے مطابق کارروائی کی جا رہی ہے۔‘‘