حملہ آور سوامی نارائن مندر پر وزیراعظم مودی اور کنیڈا کے ایم پی چندر آریہ کے خلاف نعرے بھی لکھ گئے۔
EPAPER
Updated: July 24, 2024, 1:54 PM IST | Agency | Ottawa
حملہ آور سوامی نارائن مندر پر وزیراعظم مودی اور کنیڈا کے ایم پی چندر آریہ کے خلاف نعرے بھی لکھ گئے۔
کینیڈا کے البرٹا صوبے کے دارالحکومت ایڈمنٹن میں ایک ہندو مندر پر منگل کو توڑ پھوڑ کے بعد حملہ آور اس پر وزیراعظم مودی اور کنیڈا کے رکن پارلیمنٹ چندر آریہ کے خلاف اشتعال انگیز نعرہ لکھ کر چلے گئے۔ یہ واقعہ کینیڈا میں ہندو تنصیبات پر حالیہ حملوں کے سلسلے میں ایک اور اضافہ ہے۔ وشوہندو پریشد کی کنیڈا اکائی نے اس کی مذمت کرتے ہوئے حکومت سے کارروائی کی مانگ کی ہے۔ کینیڈا کے ایم پی چندر آریہ نے بھی بی اے پی ایس سوامی نارائن مندر کی بے حرمتی پر ’’ ایکس‘‘ پوسٹ میں تشویش کا اظہار کرتے ہوئے خاطیوں کے خلاف کارروائی کی مانگ کی ہے۔ انہوں نے لکھا ہے کہ ’’گزشتہ چند برسوں میں گریٹر ٹورنٹو ایریا، برٹش کولمبیا اور کینیڈا میں دیگر مقامات پر ہندو مندروں کونفرت انگیز گرافیٹی کے ذریعہ خراب کیا جا رہا ہے۔ ‘‘ انہوں نے مندر کو نشانہ بنانے کی تصویر شیئر کرتے ہوئے لکھا ہے ایک ٹوٹے ہوئے ریکارڈ کی طرح، میں ایک بار پھر کینیڈین قانون نافذ کرنے والے اداروں سے مطالبہ کرتا ہوں کہ وہ اس معاملے کو سنجیدگی سے لیں۔ ‘‘