مشہور فلم ’’منجمل بوائز ‘‘ کے معاون ہدایتکار اور مجسمہ ساز انیل زیویر کا دل کا دورہ پڑنے کی وجہ سے انتقال ہو گیا ہے۔

ملیالم فلم انڈسٹری میں کام کرنے والے معاون ہدایتکار اور روہت ویمولا کے مجسمہ ساز انیل زیویر کی موت ہوگئی ہے۔ انیل زیویر کی عمر ۳۹؍سال تھی۔ انہوں نے مشہور ملیالم فلموں جیسے جان مان، تھلومالا، منجمل بوائز اور تھیکو وڈاکو میں بطور معاون ہدایتکار کام کیا تھا۔ وہ کیرالا کے قصبے انگمالی میں مقیم ہیں۔ دل کا دورہ پڑنے کے بعد انیل زیویر کا علاج جاری تھا۔ 

Anil Xavier (39), a sculptor and assistant director of critically acclaimed Malayalam films such as Jaan-E-Man, Thallumaala, and Manjummal Boys, passed away today due to a heart attack.

The former student of the University of Hyderabad created the iconic sculpture of Rohith… pic.twitter.com/TSrYoJxerh

— Maktoob (@MaktoobMedia) August 27, 2024

انیل نے تروننت پورم کے آر ایل وی کالج سے بی ایف اے کی ڈگری حاصل کی تھی۔ بعد ازیں انہوں نے یونیورسٹی آف حیدرآباد سے مجسمہ سازی میں ایم ایف اے کی ڈگری لی تھی۔ انہوں نے طالب علمی کے زمانے میں اپنے کالج کے کیمپس میں روہت ویمولا کا مجسمہ بنایا تھا۔ معروف اداکاروں جیسے نیشنل ایوارڈ یافتہ سورج وینجاراموڈونے سوشل میڈیا پپلیٹ فارم ایکس پر ان کی موت پر غم کا اظہار کیا ہے۔