اتر پردیش ایس ٹی ایف اور ممبئی پولیس کی کرائم برانچ کی مشترکہ ٹیم نے نیشنلسٹ کانگریس پارٹی (این سی پی) کے لیڈر بابا صدیقی کے قتل کے ایک اہم ملزم شیو کمار اور اسے بہرائچ ضلع سے پناہ دینے والے چار لوگوں کو گرفتار کیا ہے۔

اتر پردیش ایس ٹی ایف اور ممبئی پولیس کی کرائم برانچ کی مشترکہ ٹیم نے نیشنلسٹ کانگریس پارٹی (این سی پی) کے لیڈر بابا صدیقی کے قتل کے ایک اہم ملزم شیو کمار اور اسے بہرائچ ضلع سے پناہ دینے والے چار لوگوں کو گرفتار کیا ہے۔ اس سے پہلے اس معاملے میں کل۱۵؍ لوگوں کو گرفتار کیا جا چکا ہے۔ بابا صدیقی قتل کیس میں ممبئی سے تعلق رکھنے والے شوٹر شیوکمار کو آج ایس ٹی ایف اترپردیش اور ممبئی کرائم برانچ کی مشترکہ کارروائی میں نانپارہ بہرائچ سے گرفتار کیا گیا ہے۔ بتایا جا رہا ہے کہ شیوکمار نیپال فرار ہونے کا منصوبہ بنا رہا تھا۔ ایس ٹی ایف ٹیم کی قیادت پرمیش کمار شکلا اور جاوید عالم صدیقی کر رہے تھے۔ انوراگ کشیپ، گیان پرکاش ترپاٹھی، آکاش سریواستو اور اکھلیشیندر پرتاپ سنگھ کو بھی شیوکمار کو پناہ دینے اور نیپال فرار ہونے میں مدد کرنے کے جرم میں گرفتار کیا گیا ہے۔

یہ بھی پڑھئے: کانگریس کے سینئر لیڈر چودھری متین احمد عام آدمی پارٹی میں شامل

قتل کے بعد ممبئی پولیس فوراً شیوکمار کی تلاش میں اومکاریشور پہنچی، لیکن وہ وہاں نہیں ملا۔ بابا صدیقی قتل کیس میں اب تک۱۹؍ لوگوں کو گرفتار کیا جا چکا ہے۔ اس معاملے کے تین اہم شوٹر دھرم راج، گرمیل اور شیو کمار گوتم کو کرائم برانچ نے گرفتار کر لیا ہے۔