یونس نے اپنےاعلیٰ نمائندوں کو بھی ہدایت کی کہ وہ اسپیس ایکس ٹیم کے ساتھ مل کر کام کریں تاکہ اگلے ۹۰؍ دنوں میں اسٹارلنک کو لانچ کرنے کیلئے ضروری کام مکمل کیا جا سکے۔

بنگلہ دیش کی عبوری حکومت کے چیف ایڈوائزر محمد یونس نے امریکہ کے نامور تاجر اور اسپیس ایکس کے چیف ایگزیکٹو آفیسر ایلون مسک کو ملک کا دورہ کرنے اور اسٹارلنک سیٹلائٹ انٹرنیٹ سروس شروع کرنے کی دعوت دی ہے۔ ۱۹؍ فروری کے ایک خط میں، یونس نے مسک کو بتایا کہ بنگلہ دیش  کا دورہ انہیں نوجوان بنگلہ دیشی نسل سے ملنے کا موقع فراہم کرے گا جو اس جدید ٹیکنالوجی کے اہم صارف ہوں گے۔ انہوں نے خط میں کہا،’’ آئیے مل کر ایک بہتر مستقبل کیلئے ہمارے مشترکہ نصب العین کو حقیقت میں بدلیں۔‘‘

یہ بھی پڑھئے: افغان شہریوں کو امریکہ جانے کی منظوری نہ ملنے پر ملک بدر کر دیا جائے گا: پاکستان

بنگلہ دیش کے سرکاری خبر رساں ادارے  بی ایس ایس نے اتوار کو اسٹارلنک کے بنگلہ دیش کے انفراسٹرکچر پر ہونے والے مثبت اثرات کی وضاحت کی۔یونس نے اپنےاعلیٰ نمائندوں کو بھی ہدایت کی کہ وہ اسپیس ایکس ٹیم کے ساتھ مل کر کام کریں تاکہ اگلے ۹۰؍ دنوں میں اسٹارلنک کو لانچ کرنے کیلئے ضروری کام مکمل کیا جا سکے۔ 
واضح رہے کہ ۱۳؍فروری کو، یونس نے ایلون مسک کے ساتھ ٹیلیفون پر ایک طویل گفتگو کی تاکہ مستقبل میں تعاون کے امکانات کو تلاش کیا جا سکے اور بنگلہ دیش میں اسٹارلنک سیٹلائٹ انٹرنیٹ سروسز کو متعارف کرانے میں مزید پیشرفت کی جا سکے۔