بنگلہ دیش کے آرمی چیف وقارالزماں نے کہا کہ وزیراعظم شیخ حسینہ کے استعفیٰ کے بعد ملک میں نئے انتخابات تک عبوری حکومت ہوگی۔ مظاہرین اپنے گھروں کو لوٹ جائیں۔ خبروں کے مطابق شیخ حسینہ فرار ہوچکی ہیں اور لندن، برطانیہ میں پناہ لئے ہوئے ہیں۔ اس سے قبل اطلاعات تھیں کہ وہ مغربی بنگال، ہندوستان میں ہیں۔

آرمی چیف وقارالزماں نے اعلان کیا کہ نئے انتخابات تک ملک میں عبوری حکومت ہوگی۔ انہوں نے مظاہرین سے اپیل کی کہ وہ گھروں کو لوٹ جائیں اور کہا کہ وزیر اعظم شیخ حسینہ اپنے عہدے سے مستعفی ہوگئی ہیں ۔اس طرح بنگلہ دیش میں عوامی لیگ پارٹی کا ۱۵؍ سالہ اقتدار کا خاتمہ ہوگیا ہے۔ واضح رہے کہ اسی پارٹی نے آزاد ملک کے طور پر بنگلہ دیش کی بنیاد رکھی تھی۔ خبروں کے مطابق شیخ حسینہ فرار ہوگئی ہیں اور لندن، برطانیہ میں پناہ لئے ہوئے ہیں۔ 

بنگلہ دیش کی وزیراعظم شیخ حسینہ۔ تصویر: آئی این این

بنگلہ دیش کے فوجی ذرائع نے رائٹرز کو بتایا کہ بنگلہ دیش کی وزیر اعظم شیخ حسینہ نے ایک ماہ کے پُرتشدد مظاہروں کے بعد آج استعفیٰ دے دیا ہے۔ واضح رہے کہ ان مظاہروں ۳۰۰؍ سے زائد افراد ہلاک ہوئے ہیں۔ متعدد خبروں میں دعویٰ کیا گیا ہے کہ شیخ حسینہ ملک سے فرار ہیں حالانکہ ان کے ٹھکانے کے متعلق کوئی اطلاع نہیں ہے۔ مظاہرین نے شیخ حسینہ کی سرکاری رہائش گاہ پر دھاوا بول دیا ہے۔ خیال رہے کہ اس خبر کے عام ہونے سے چند منٹوں پہلے وزار اعظم شیخ حسینہ کے بیٹے سجیب واجد جوئے نے سیکوریٹی فورسیز سے ’’کسی بھی غیر منتخب حکومت‘‘ کو روکنے کی درخواست کی ہے۔

Latest reports from Bangladesh indicate that Prime Minister Sheikh Hasina has left Dhaka for an undisclosed location after unprecedented nationwide violence in the country. Some suggest she could come to New Delhi as well. Developing story. (Videos and Photo viral on BD Media) pic.twitter.com/Kk5ODQZENk

— Aditya Raj Kaul (@AdityaRajKaul) August 5, 2024

وزیر اعظم کے قریبی ذرائع نے اے ایف پی کو بتایا کہ حسینہ واجد نے اپنے استعفیٰ کے مطالبے پر بڑے پیمانے پر احتجاج کے پیش نظر دارالحکومت ڈھاکہ چھوڑ دیا ہے۔ ذرائع نے کہا کہ ’’وہ اور ان کی بہن گنبھبن (وزیراعظم کی سرکاری رہائش گاہ) کو چھوڑ کر محفوظ مقام پر چلی ہیں۔ وہ عوام کیلئے ایک تقریر ریکارڈ کرنا چاہتی تھیں لیکن انہیں ایسا کرنے کا موقع نہیں مل سکا۔‘‘

According to reports, Sheikh Hasina has fled to another country. Can we count it as Bangladesh`s first medal in cross-country?🏅 pic.twitter.com/KHCx5LUGvg

— Trendulkar (@Trendulkar) August 5, 2024

واضح رہے کہ اس سے قبل وقار الزمان (بنگلہ دیش فوج کے سربراہ) کے دفتر نے اعلان کیا تھا کہ آرمی چیف آج عوام سے خطاب کریں گے۔ فوج کے سرکاری ترجمان، انٹر سروس پبلک ریلیشنز کے ایک اہلکار، رشید العالم نے کہا کہ ’’جنرل کا خطاب دوپہر ۳؍ بجے ہوگا۔‘‘

(یہ خبر اپ ڈیٹ ہوتی رہے گی)