راہل گاندھی نے آج بھارت جوڑو نیائے یاترا کے دوران بی جے پی کو پیپر لیک اور نئی بھرتی کے معاملے میں طلبہ کو ہونے والی دشواریوں کیلئے نشانہ بنایا اور الزام عائد کیا کہ مرکزی حکومت نے طلبہ کے خواب چکنا چور کر دیئےہیں جس کیلئے تاریخ وزیر اعظم نریندر مودی کو کبھی معاف نہیں کرے گی۔ مودی حکومت ملک کے مستقبل کی دشمن بن گئی ہے۔ ملازمت پیدا کرنے والے اداروں کو اپنا دوست بنانا اور نوجوانوں کو کانٹریکٹ پر ہائر کرنا مودی حکومت کی پالیسی ہے اور استحصال کرنا مودی کی گارنٹی۔

کانگریسی لیڈر راہل گاندھی نے آج بھارت جوڑو نیائے یاتراکے دوران اترپردیش میں حال میں ہونے والے پیپرلیک اور نئی بھرتی میں ہونے والی دشواریوں کیلئے بی جے پی کو نشانہ بنایا اور الزام عائد کیا کہ حکومت نے طلبہ کے خواب کو بے نور کردیاہےاور تاریخ وزیر اعظم نریندر مودی کو اس کیلئے کبھی معاف نہیںکرے گی۔

یہ بھی پڑھئے: ہم ناانصافیوں کو عوام کے سامنے لانا چاہتے ہیں: راہل
راہل گاندھی نےایکس پوسٹ میں بی جے پی کو نشانہ بناتے ہوئے لکھا کہ مودی حکومت ملک کے مستقبل کی دشمن بن گئی ہے۔ کانگریس کے سابق صدر نے کہا کہ کچھ مقامات پرطلبہ نئی بھرتی کی خواہش لئے ہوئے ہیں۔ کچھ مقامات پر طلبہ پیپر لیک کے مسائل کی وجہ سے پریشان ہیں۔ کچھ مقامات پر طلبہ اپائنمنٹ کیلئے عدالت کے چکر کاٹ رہے ہیں جبکہ کچھ مقامات پر طلبہ کواپنی آواز بلند کرنے کیلئے لاٹھی چارچ کا سامنا ہے۔ بی جےپی حکومت ، جو اچھے طریقے سے پولیس بھرتی سے لے کر آر اے آر او تک اور ریلوے سے لے کر فوج تک تمام امتحان لینے میں ناکام رہی ہے،اپنا غصہ نوجوانوںپر نکال رہی ہے۔

मोदी सरकार ‘देश के भविष्य’ की दुश्मन बन गई है!

कहीं भर्ती के लिए तरसते छात्र, कहीं पेपर लीक से हताश छात्र, कहीं नियुक्ति के लिए कोर्ट का चक्कर काटते छात्र तो कहीं आवाज़ उठाने पर लाठियों की मार सहते छात्र।

RO-ARO से लेकर पुलिस भर्ती तक और रेलवे से लेकर सेना तक एक भी परीक्षा…

— Rahul Gandhi (@RahulGandhi) February 27, 2024

انہوں نے الزام عائد کیا کہ ملازمت پیدا کرنے والے اداروں کو اپنا دوست بنانا اور نوجوانوں کو کانٹریکٹ پر ہائر کرنا مودی حکومت کی پالیسی ہےاور استحصال کرنا مودی کی گارنٹی ہے۔مودی حکومت نے اس طرح طلبہ کے خواب چکنا چورکردیئے ہیںاور ان کے خاندانوں نے ان سے امیدیں لگانا چھوڑدی ہیں۔انہوں نے پولیس کانسٹیبل بھرتی کے امتحان کو اترپردیش حکومت کی جانب سے منسوخ کرنے کو نوجوانوں کے اتحاد کی فتح اور طلبہ کی طاقت قرار دیااور کہا کہ جو متحد کریں گے وہ فتح یاب ہوں گے بلکہ جو تقسیم کریں گے وہ تباہ ہو جائیں گے۔

راہل اکلھیلش یادو کے ہمراہ۔ تصویر: پی ٹی آئی