کانگریس کےلیڈر راہل گاندھی نے چھتیس گڑھ کے کوربا ضلع میں بھارت جوڑو نیائے یاترا کے دوران عوام سے خطاب کرتے ہوئے کہا کہ ملک کے عوام مہنگائی کے قہر سے گزر رہے ہیں۔ ملک میں پسماندہ طبقات، دلت اور آدی واسیوں کی آبادی ۷۴؍ فیصد ہے لیکن انہیں کچھ نہیں مل رہا ہے۔

کانگریس کے لیڈر راہل گاندھی نےبی جےپی کے اقتدار والی مرکزی حکومت کو نشانہ بنایا اور دعویٰ کیا کہ ملک کے عوام کو روزگار نہیں مل رہا ہے اور وہ مہنگائی کے قہر سے گزر رہے ہیں۔ انہوں نے بھارت جوڑو نیائے یاترا کے دوران چھتیس گڑھ کے کوربا ضلع میں عوام سے خطاب کرتے ہوئے کہا کہ عوام کو جاگنے کی ضرورت ہے۔ ان کی جیبیں لوٹی جا رہی ہیں جبکہ انہیں گمراہ کیا جا رہا ہے۔ انہوں نے پسماندہ طبقات کے حوالے سے کہا کہ پسماندہ طبقات، دلت اور ادی واسیوں کی ملک میں ۷۴؍ فیصد آبادی ہےلیکن ان طبقات میں سے کوئی بھی ایک شخص ملک کی ٹاپ ۲۰۰؍ کمپنیوں کا مالک نہیں ہے یا ان کے مینجمنٹ میں نہیں ہےجنہیں ملک کا پورا پیسہ دیا جا رہا ہے۔

LIVE: #BharatJodoNyayYatra resumes from Korba, Chhattisgarh. https://t.co/1xR76TNc1W

— Congress (@INCIndia) February 12, 2024

بی جے پی ملک کو ہندو راشٹرا کہتی ہے لیکن ملک کی ۷۴؍ فیصد آبادی ، غریبوں اور عام لوگوں کو کچھ بھی نہیں مل رہا ہے۔یہ لوگصرف تھالی بجانے، گھنٹہ بجانے ، موبائل فون دکھانے اور بھوک سےمرنے کیلئے ہیں۔
راہل گاندھی نے رام مندر کی افتتاحی تقریب کے تعلق سے کہا کہ مجھے بتایئے کیا آپ نے مندر کی افتتاحی تقریب میں کسی غریب، ملازم، چھوٹے موٹے تاجر اور بے روزگار شخص کو دیکھا ۔میں نے صرف اڈانی جی ، امبانی جی، امیتابھ بچن، ایشوریہ رائے اور دیگر بڑے تاجروں کو دیکھا۔ اڈانی جی، امبانی جی اور ان کے خاندانوں نے بڑے بڑے بیان دیئے۔
انہوں نے غریبوں کے تعلق سے کہا کہ لوگوں کو روزگار نہیں مل رہا ہے اور وہ مہنگائی کے قہر سے گزر رہے ہیں جبکہ اڈانی اور امبانی چینی اشیاء فروخت کر کے نفع حاصل کر رہے ہیں۔