ڈاکٹر بابا صاحب امبیڈکر کے متعلق امیت شاہ کے توہین آمیز بیان کے خلاف منگل کوکانگریس کی جانب سے ’ڈاکٹر بابا صاحب امبیڈکر سمان دِوس‘ منایا گیا۔

ڈاکٹر بابا صاحب امبیڈکر کے متعلق امیت شاہ کے توہین آمیز بیان کے خلاف منگل کوکانگریس کی جانب سے ’ڈاکٹر بابا صاحب امبیڈکر سمان دِوس‘ منایا گیا۔ اس موقع پر کانگریس کے کارکنوں نے مقامی صدر عبدالرشید طاہر مومن کی قیادت میں کانگریس کے دفتر سے کارپوریشن کی عمارت کے عقب میں واقع ڈاکٹر بابا صاحب امبیڈکر کے مجسمے تک ایک پرامن مگر پُرجوش احتجاجی مارچ کیا۔ مظاہرین نے ’امیت شاہ معافی مانگو‘ اور’امیت شاہ استعفیٰ دو‘ جیسے نعرے لگائے۔ 
 احتجاجی مارچ کے اختتام پر ڈاکٹر بابا صاحب امبیڈکر کے مجسمے کو پھولوں کی مالا پہناکر انہیں خراج عقیدت پیش کیا گیا۔ یہاں  بھی مظاہرین نے ڈاکٹر امبیڈکر کے مجسمے کے پاس بیٹھ کر مرکزی وزیر داخلہ اور بی جے پی کے خلاف زبردست نعرے بازی۔ اسکے بعد کانگریس کا ایک نمائندہ وفدپرانت آفس پہنچا اور انہیں ایک میمورنڈم پیش کیا۔ اس وفد میں کانگریس کے مقامی صدر عبدالرشید طاہر مومن، سابق رکن پارلیمان سریش ٹاورے، پی سی سی رکن سہیل خان، جاوید فاروقی، عرشی اعظمی، شکیل انصاری (پاپا)، اشرف منا، شاہین مومن، اننتا پاٹل و دیگر افراد شامل تھے۔ وفد نے مطالبہ کیا کہ امیت شاہ فوری طور پرملک کے عوام سے معافی مانگیں اور اپنے عہدہ سے استعفیٰ دیں۔