بہار کی راجدھانی پٹنہ کے نیشنل انسٹی ٹیوٹ آف ٹیکنالوجی کی بی ٹیک کی ایک طالبہ کی خود کشی کے بعد ساتھی طلبہ نے کیمپس میں مظاہرہ کیا، انہوں نے انتظامیہ پر طلبہ کے مسائل کو نظر انداز کرنے کا الزام لگاتے ہوئے ڈائریکٹر پی کے جین کے استعفیٰ کا مطالبہ کیا۔

بہار کی راجدھانی پٹنہ کے انیشنل انسٹی ٹیوٹ آف ٹیکنالوجی میں بی ٹیک کی تعلیم حاصل کر رہی سال دوم کی ایک طالبہ نے خود کشی کر لی جس کے نتیجے میں دیگر طلبہ کی جانب سے بڑے پیمانے پر احتجاج کیا گیا۔ آندھرا پردیش کے اننت پور کی رہنے والی پلوی ریڈی نے این آئی ٹی پٹنہ کے گلز ہوسٹل میں اپنی جان دے دی، پولیس نے اس کے کمرے سے سوسائڈ نوٹ بر آمد کر لیا ہے۔جبکہ معاملہ درج کر کے لاش کو دانہ پور اسپتال میں طبی معائنہ اور پوسٹ مارٹم کیلئے روانہ کر دیا گیا۔

Tragic News: Protests erupt at the NIT Patna Bihta campus following the suicide of a 2 nd-year student,Pallavi Reddi.

Major concern is that the Bihta campus is under construction,with cranes in operation.There`s no security and workers can enter anywhere
(even girl`s hostel) pic.twitter.com/afunbKjiuQ

— Patna Index (@Index_Magadh) September 21, 2024

 واضح رہے کہ اس ادارے میں خود کشی کا یہ دوسرا واقعہ ہے، اس سے قبل ۲۰۱۷ء میں اتر پردیش کی رہنے والی ایک اور طالبہ نےخود کشی کر لی تھی۔اس واقعہ کے بعد دیگر طلبہ نے کیمپس میں نعرے بازی کی،انہوں نے انسٹی ٹیوٹ کی انتظامیہ پر طلبہ کی فلاح کے تعلق سے لا پرواہی برتنے کا الزام عائد کیا ۔اس کے علاوہ احتجاج کر رہے طلبہ نے اس خود کشی کے تعلق سے مبینہ طور پر غیر سنجیدگی کا مظاہرہ کرنے پر این آئی ٹی پٹنہ کے ڈائرکٹر پی کے جین کے استعفیٰ کا مطالبہ بھی کیا۔