بہار میں گزشتہ ۱۵؍ دنوں میں سات پل گر چکے ہیں۔ تازہ ترین واقعہ سیوان ضلع کا ہے جہاں آج صبح ایک زیر مرمت پل کا ایک حصہ گر گیا۔ گزشتہ ۱۱؍ دنوں میں سیوان میں اس طر ح کا یہ دوسرا واقعہ ہے۔ بہار حکومت نے پل گرنے کی اصل وجوہات جاننے کیلئے ایک اعلیٰ سطحی کمیٹی تشکیل دی ہے۔

بہار میں پلوں کے گرنے کا سلسلہ جاری ہے اسی سلسلے کی ایک اور کڑی میں بدھ کے دن ایک زیر مرمت پل کا ایک حصہ زمین بوس ہو گیا۔ یہ پل سیوان ضلع میں گنداکی ندی پر قائم تھا، گزشتہ ۱۵ ؍ دنوں میں زمین بو س ہونے والا یہ ساتواں پل ہے۔یہ پل سیوان ضلع کے دیوریہ مضافات کو مہاراج گنج کے کئی علاقوں سے جوڑتا تھا، اب تک کسی بھی فرد کے بھی اس کی زد میں آنے کی خبر نہیں ہے ۔گزشتہ ۱۱؍ دنوں میں سیوان میں پل گرنے کا یہ دوسرا واقعہ ہے۔علاقے کے اعلیٰ حکام کا کہنا ہے کہ’’ آج صبح پل کا ایک حصہ گر گیا ابھی تک اس کی وجوہات سامنے نہیں آئی ہیں، دیگر افسر جائے وقوع پر پہنچ گئے ہیں۔‘‘

Bridge Collapse Capital...Bihar earns its special status 🙄

*Another bridge collapse reported in Siwan district #Bihar making it 7th one in 15 days pic.twitter.com/aN1EBKg7bh

— Nabila Jamal (@nabilajamal_) July 3, 2024

یہ حادثہ صبح ۵؍ بجے پیش آیا، ابتدائی خبر کے مطابق یہ پل ۱۹۸۲-۸۳ء میں تعمیر کیا گیا تھا،کچھ دنوں سے پل کی مرمت کا کام چل رہا تھا۔گائوں والوں کا خیال ہے کہ موسلا دھار بارش کے سبب گنداکی ندی میں آئی باڑ نے پل کی بنیاد کو کمزور کر دیا تھا،گزشتہ ۱۱؍ دنوں میں ہونے والے اس دوسرے حادثہ نے بہار محکمہ تعمیرات کی تشویش میں اضافہ کر دیا ہے، اس سے قبل۲۲؍ جون کو بھی دیوریہ علاقے میں بھی ایک پل حصہ گر گیا تھا۔اس طرح کے یکساں واقعات مدھو بنی، اراریہ،مشرقی چمپارن، کشن گنج، ضلعوں میں بھی پیش آئے ہیں۔ان واقعات نے بہار کی حکومت کو ایک اعلیٰ سطح کی کمیٹی کی تشکیل دینے پر مجبورکردیا جو ان واقعات کی اصل وجوہات کا پتہ لگائے گی۔