رکشا بند ھن کے موقع پر ہر یانہ کے اپوزیشن لیڈر نے خطاب کیا، خواتین کی حفاظت کو اولین ترجیح  بتایا۔

ہریانہ کے اپوزیشن لیڈر بھوپیندر سنگھ ہڈا نے پیر کو الزام لگایا کہ بی جے پی حکومت ریاست میں خواتین کو تحفظ فراہم کرنے میں ناکام رہی ہے۔ وہ رکشا بندھن کے موقع پر خواتین سے خطاب کر رہے تھے۔ انہوں نے الزام لگایا کہ ہریانہ میں خواتین کے خلاف جرائم کاسلسلہ رکنے کا نام نہیں  لے رہا ہے۔ سرکاری اعداد و شمار بتاتے ہیں کہ خواتین کے خلاف جرائم میں آج ہریانہ ملک میں پہلے نمبر پر ہے۔ ہر روز ۵؍ خواتین کی عصمت دری اور اغواء کے۱۳؍ واقعات ہوتے ہیں اور ہر روز۴۶؍ خواتین کیخلاف کوئی نہ کوئی جرم ہوتا ہے۔ 

یہ بھی پڑھئے:جی ایس ٹی معاملے میں سی اے جی کی وزیر خزانہ کو سخت ہدایت

انہوں نے کہا کہ سیکورٹی کے علاوہ بھی حکومت کی لاپروائی کی وجہ سے آنگن واڑی، آشا ورکر، مڈ ڈے میل ورکر اور نرسنگ اسٹاف سمیت ہزاروں خواتین ورکرس کو سڑکوں پر اترنا پڑرہا ہے۔ انہوں نے خواتین سے وعدہ کیا کہ اگر ریاست میں کانگریس کی حکومت بنتی ہے تو خواتین کی حفاظت کو ترجیح دی جائے گی۔ قبل ازیں ایم ایل اے گیتا بھوکل اور شکنتلا کھٹک نے بھوپیندر سنگھ ہڈا کو راکھی باندھ کر یہ تہوار منایا۔