بوئنگ ایئر لائنس کے چیئرمین اور سی ای او کیلی اورٹبرگ نے برسوں سے مشکلات سے دوچار کمپنی کے تقریباً۱۰؍ فیصد ملازمین کو فارغ کرنے کا اعلان کیا ہے۔

بوئنگ ایئر لائنس کے چیئرمین اور سی ای او کیلی اورٹبرگ نے برسوں سے مشکلات سے دوچار کمپنی کے تقریباً۱۰؍ فیصد ملازمین کو فارغ کرنے کا اعلان کیا ہے۔
اورٹبرگ نے کہاکہ ’’ہمیں اپنی مالی حقیقت اور ترجیحات کو اورزیادہ بڑھانے کے لئے اپنے کاموں میں تبدیلی کرنی ہے۔ انہوں نے کہا کہ ’’آنے والے مہینوں میں  ہم ملازمین کی تعداد میں تقریباً۱۰؍ فیصد کمی کرنے کا ارادہ رکھتے ہیں۔ ان کٹوتی میں ایگزیکٹیوس، منیجرس اور ملازمین شامل ہوں گے۔‘‘ غور طلب ہے کہ ۱۰؍ فیصد کی کٹوتی تقریباً۱۷؍ ہزار ملازمتوں کے برابر ہے۔ مزید برآں کمپنی نے بتایا کہ اس کا نیا۷۷۷؍ ایکس طیارے کی ابتدائی ڈیلیوری مقررہ تاریخ کے  ایک سال بعد۲۰۲۶ء میں کی جائے گی۔