نغمہ نگار جاوید اختر کی اہلیہ اور اداکارہ شبانہ اعظمی سڑک حادثے میں شدید زخمی ہوگئی ہیں۔ کھالا پور ٹول پلازہ کے قریب ممبئی پونے ایکسپریس وے پر اُن کی کار ایک ٹرک سے ٹکرا گئی۔ اس سڑک حادثے میں شدید طور پر زخمی ہونے پر شبانہ اعظمی کو ایم جی ایم اسپتال، پنویل میں داخل کیا گیا ہے۔ حادثے کے وقت کار میں اُن کے ساتھ جاوید اختربھی موجود تھے۔ تاہم، انہیں چوٹ نہیں آئی ہے۔

ممبئی: نغمہ نگار جاوید اختر کی اہلیہ اور اداکارہ شبانہ اعظمی سڑک حادثے میں شدید زخمی ہوگئی ہیں۔ کھالا پور ٹول پلازہ کے قریب ممبئی پونے ایکسپریس وے پر اُن کی کار ایک ٹرک سے ٹکرا گئی۔ اس سڑک حادثے میں شدید طور پر زخمی ہونے پر شبانہ اعظمی کو ایم جی ایم اسپتال، پنویل میں داخل کیا گیا ہے۔ حادثے کے وقت کار میں اُن کے ساتھ جاوید اختربھی موجود تھے۔ تاہم، انہیں چوٹ نہیں آئی ہے۔

ایم جی ایم اسپتال کے حکام نے کہا ہے کہ ’’شبانہ اعظمی کو گہری چوٹیں نہیں آئی ہیں۔ ناک پرمعمولی زخم ہیں۔ وہ فی الحال ٹھیک ہیں البتہ ان کے اوسان بحال نہیں ہوئے ہیں۔ان کا علاج جاری ہے۔ جلد ہی ان کی طبیعت بہتر ہوجائے گی۔‘‘ پولیس حکام نے بتایا کہ ’’ممبئی پونے ایکسپریس وے پر ہونے والے سڑک حادثے میں شبانہ اعظمی اور ان کے ڈرائیور زخمی ہوئے ہیں۔ جب وہ پونے سے ممبئی کا سفر کررہے تھے، پیچھے سے ایک تیز رفتار ٹرک نے ان کی کار کو ٹکر ماردی۔ جاوید اختر بھی اس کار میں تھے لیکن انہیں چوٹ نہیں آئی ہے۔ دونوں زخمیوں کو ایم جی ایم اسپتال میں داخل کیا گیا ہے۔‘‘ خیال رہے کہ گزشتہ دنوں شبانہ اعظمی نے اپنے شوہر جاوید اختر کی ۷۵؍ویں سالگرہ منائی تھی۔ اس خبر کے ملتے ہی بالی ووڈ کے کئی ستاروں نے اپنے سوشل میڈیا اکاؤنٹ پر افسوس کا اظہار کیا ہے۔

Actor Shabana Azmi injured in car accident on Mumbai- Pune Expressway: Police

— Press Trust of India (@PTI_News) January 18, 2020

Raigad Police: Actor Shabana Azmi&her driver got injured in accident near Kahalpur on Mumbai-Pune Expressway. Javed Akhtar was also present in the car, but he is safe. Their vehicle was hit by a truck while they were travelling from Pune to Mumbai. Injured shifted to MGM Hospital https://t.co/bezuNWvUTa pic.twitter.com/8YWtZoEUSF

— ANI (@ANI) January 18, 2020