برازیل کے شہر ساؤ پاؤلو کے قریب ایک طیارہ حادثہ کا شکار ہوگیا۔ سوشل میڈیا پر وائرل ویڈیو میں دیکھا جا سکتا ہے کہ ایک طیارہ بے قابو ہو کر ہوا میں گھومتا ہوا تیزی سے زمین پر آگرا، جس کے فوراً بعد اس مقام سے کالا دھواں اٹھتا دکھائی دیا۔ صدر لولا ڈاسلوا نے اس حادثہ پر رنج کا اظہار کیا ہے اور تحقیقات کا حکم دیا ہے۔

برازیل میں مقامی حکام کے مطابق سائو پائولوکے قریب ایک علاقائی ٹربوپراپ طیارہ حادثہ کا شکار ہو گیا ،جس کے نتیجے میں اس میں سوارتمام ۶۱؍ مسافر جاں بحق ہو گئے۔سوشل میڈیا پر گردش کر رہے ایک ویڈیو میں دیکھا جا سکتا ہے کہ ایک طیارہ قابو سے باہر ہوکر گھومنے لگتا ہے اور کچھ ہی دیر میں وہ درختوں کے پیچھے جا گرتا ہے،جس کے بعد اس جگہ سے کالا دھواں اٹھتا ہوا دکھائی دیتا ہے۔حکام کے مطابق اس حادثے میں تمام مسافر جاں بحق ہو گئے، جبکہ ایک گھر کو نقصان پہنچا اور ایک فرد زخمی ہوا ہے۔

🚨🇧🇷Major plane crash in Brazil!

Expected dead 58 Passengers and 4 crew!

Plane exploded near houses but no people damaged yet on the ground hopefully.

More updates to come! pic.twitter.com/tgX4MS29ig

— James Rizk (@JamesRizk1) August 9, 2024

اس حادثہ کے فوراً بعد صدر لولاڈاسلوا نے ایک تقریب کے دوران کہا کہ ’’مجھے ایک افسوسناک خبر موصول ہوئی ہے۔‘‘اور انہوں نے مہلوکین کیلئے ایک منٹ کی خاموشی اختیار کرنے کہا۔ ووپاس ائیر لائن نے بتایا کہ اس طیارے نے کاسکاویل سے سائو پائولوکیلئےاڑان بھری لیکن سائوپائولو کے شمال مغرب میں ونہیڈو کے مقام پر حادثہ کا شکار ہو گیا۔غیر مندرج ہوائی کمپنی نے طیارہ کے بارے میں جس کا رجسٹریشن نمبر پی ایس-وی پی بی ہے مزید معلومات فراہم نہیں کی ۔ائیربس اور اٹالین ائیرواسپیس گروپ لیونارڈو کی ساجھا ملکیت ہے نے فوری طور پر اس حادثہ پر کوئی تبصرہ کرنے سے انکار کر دیا۔