ایمپلائز پروویڈنٹ فنڈ آرگنائزیشن (ای پی ایف او) نے دسمبر ۲۰۲۴ء میں سینٹرلائزڈ پنشن ادائیگی کے نظام کے ذریعے ۶۸؍ لاکھ سے زیادہ ای پی ایس پنشنرس میں تقریباً ۱۵۷۰؍ کروڑ روپے کی پنشن تقسیم کی ہے۔ 

ایمپلائز پروویڈنٹ فنڈ آرگنائزیشن (ای پی ایف او) نے دسمبر ۲۰۲۴ء میں سینٹرلائزڈ پنشن ادائیگی کے نظام کے ذریعے ۶۸؍ لاکھ سے زیادہ ای پی ایس پنشنرس میں تقریباً ۱۵۷۰؍ کروڑ روپے کی پنشن تقسیم کی ہے۔ 
 مرکزی وزارت محنت اور روزگار نے جمعہ کو یہاں کہا کہ پنشن خدمات کو بڑھانے کی طرف ایک تاریخی قدم اٹھاتے ہوئے ای پی ایف او ​​نے ملازمین کی پنشن اسکیم۱۹۹۵ء کے تحت دسمبر۲۰۲۴ء میں نئے مرکزی پنشن ادائیگی کے نظام کو مکمل طور پر نافذ کیا ہے۔ دسمبر۲۰۲۴ء کے لیے ای پی ایف او ​​کے تمام ۱۲۲؍ پنشن تقسیم کرنے والے علاقائی دفاتر سے تعلق رکھنے والے۶۸؍ لاکھ سے زیادہ پنشنرس کو ۱۵۷۰؍کروڑ روپے کی پنشن تقسیم کی گئی ہے۔ 
  سینٹرلائزڈ پنشن ادائیگی کے نظام کا پہلا ٹرائل اکتوبر۲۰۲۴ءمیں کرنال، جموں اور سری نگر کے علاقائی دفاتر میں کامیابی کے ساتھ مکمل ہوا، جس سے ۴۹؍ہزار سے زائد ای پی ایس پنشنرس کو تقریباً ۱۱؍کروڑ روپے کی پنشن تقسیم کی گئی۔ دوسرا تجربہ نومبر ۲۰۲۴ء میں ۲۴؍ علاقائی دفاتر میں شروع کیا گیا تھا، جس میں تقریباً۲۱۳؍ کروڑ روپے کی پنشن۹ء۳؍ لاکھ سے زیادہ پنشنرس کو تقسیم کی گئی تھی۔ 
  مرکزی محنت اور روزگار کے وزیر منسکھ منڈاویہ نے کہا کہ ای پی ایف او ​​کے تمام علاقائی دفاتر میں مرکزی پنشن ادائیگی کے نظام کا مکمل طور پر نفاذ ایک تاریخی سنگ میل ہے۔ اس سے پنشنرس ملک میں کہیں بھی کسی بھی بینک، کسی بھی برانچ سے اپنی پنشن آسانی سے حاصل کر سکیں گے۔ یہ ذاتی تصدیق کے عمل کی ضرورت کو ختم کرتا ہے اور پنشن کی تقسیم کے عمل کو آسان بناتا ہے۔ 
 اس نظام میں ای پی ایف او​​کا ہر علاقائی اور ذیلی علاقائی دفتر صرف۳ء۴؍ بینکوں کے ساتھ الگ الگ معاہدے کرتا ہے۔ اس سے نہ صرف پنشنر کسی بھی بینک سے پنشن لے سکیں گے بلکہ پنشنرس کو پنشن شروع ہونے کے وقت کسی بھی تصدیق کے لیے بینک جانے کی ضرورت نہیں پڑے گی اور پنشن ریلیز ہوتے ہی فوری طور پر جمع کر دی جائے گی۔ یہ نظام جنوری ۲۰۲۵ء سے پورے ہندوستان میں پنشن کی بغیر کسی رکاوٹ کے تقسیم کو یقینی بنائے گا۔