سوشل میڈیا پر کچھ صارفین نے اس حادثہ کو "معمولی تکنیکی خرابی کا نتیجہ" قرار دے کر زیادہ اہمیت نہیں دی وہیں کچھ صارفین نے اپنی گہری تشویش کا اظہار کیا۔

چین میں مصنوعی ذہانت (اے آئی) کے ذریعہ کنٹرول کئے جانے والے ایک روبوٹ نے اچانک کچھ افراد کو مارنے کی کوشش کی اور کام کرنا بند کردیا۔ بتایا جارہا ہے کہ روبوٹ کے سافٹ ویئر میں مبینہ خرابی کی وجہ سے وہ بے قابو ہوگیا اور قریب موجود انسانوں پر حملہ کردیا۔ یہ واقعہ چین میں ایک تقریب کے دوران پیش آیا جہاں انسان نما روبوٹس اپنی صلاحیتوں کا مظاہرہ کررہے تھے۔ اس موقع پر بڑی تعداد میں لوگ موجود تھے۔ شفق نیوز ایک رپورٹ کے مطابق، ابتدائی جائزوں نے اشارہ کیا ہے کہ سافٹ ویئر کی خرابی کی وجہ سے روبوٹ کا رویہ غیر معمولی تھا۔

🚨🇨🇳AI ROBOT ATTACKS CROWD AT CHINESE FESTIVAL

A humanoid robot suddenly stopped, advanced toward attendees, and attempted to strike people before security intervened.

Officials suspect a software glitch caused the erratic behavior, dismissing any intentional harm.

This comes… pic.twitter.com/xMTzHCYoQf

— Mario Nawfal (@MarioNawfal) February 25, 2025

انٹرنیٹ پر ویڈیو وائرل

انٹرنیٹ پر بڑے پیمانے پر شیئر کی جا رہی ایک ویڈیو میں دکھایا گیا ہے کہ ایک انسان نما روبوٹ اَچانک حاضرین کی طرف قدم بڑھانا شروع کرتا ہے اور کچھ افراد کو نشانہ بنانے کی کوشش کرتا ہے۔ تاہم، سیکوریٹی کی مداخلت کے روبوٹ پر قابو پالیا گیا۔ اطلاعات کے مطابق، روبوٹ نے کسی کو نقصان نہیں پہنچایا اور سبھی حاضرین محفوظ رہے۔ 

یہ بھی پڑھئے: اہم طبی پیش رفت: نابینا بچے اَب دیکھ سکیں گے

سوشل میڈیا صارفین کا ردعمل

سوشل میڈیا پر صارفین نے بڑے پیمانے پر اس ویڈیو کو شیئر کیا اور واقعہ پر اپنا ردِعمل ظاہر کیا۔ جہاں کچھ صارفین نے اس واقعہ کو "معمولی تکنیکی خرابی کا نتیجہ" قرار دے کر زیادہ اہمیت نہیں دی وہیں کچھ صارفین نے اس حادثہ پر گہری تشویش کا اظہار کیا۔ 

ایک صارف نے توجہ دلائی: "اس واقعہ نے ہمیں سوچنے پر مجبور کردیا ہے کہ اے آئی پر مکمل بھروسہ نہیں کیا جاسکتا اور اسے چیزوں کو کنٹرول کرنے کی اجازت نہیں ملنی چاہئے۔" دوسرے صارف نے لکھا: "یہ بالکل ایک سائنس فکشن فلم کی طرح لگ رہا ہے۔ ہم دھیرے دھیرے اس دور کی جانب بڑھ رہے ہیں۔" 

دیگر ایک صارف نے اپنی گہری تشویش کا اظہار کرتے ہوئے بتایا کہ اس ویڈیو نے انہیں انسانیت کے مستقبل کے متعلق فکرمند کردیا ہے۔