کولمبیا نے زرد بخار کے معاملات اور اموات کی وجہ سے صحت کے ہنگامی حالت کا اعلان کر دیا ، گزشتہ سال کے آغاز سے اب تک۷۴؍ تصدیق شدہ معاملات اور۳۴؍ اموات درج ہوئی ہیں، وسطی مغربی کولمبیا کے علاقے تولیما میں صورتحال سب سے تشویشناک ہے جہاں۲۲؍معاملات سامنے آئے ہیں۔

کولمبیائی حکومت نے بدھ کی شام زرد بخار کے بڑھتے ہوئے معاملات کے پیش نظر ملک بھر میں صحت کے ہنگامی حالت کا اعلان کیا۔ وزیر صحت گییلرمو الفونسو جارامیلو نے بتایا کہ گزشتہ سال کے آغاز سے اب تک اس بیماری کے۷۴؍ تصدیق شدہ معاملات سامنے آئے ہیں جن میں۳۴؍  جاں بحق ہو چکے ہیں۔ واضح رہے کہ زرد بخار ایک وائرس سے پھیلنے والی بیماری ہے جو ایڈیز اور ہیماگوگس مچھروں کے کاٹنے سے منتقل ہوتی ہے۔ جارامیلو نے کہا کہ وسطی مغربی کولمبیا کے صوبے تولیما میں صورتحال سب سے تشویشناک ہے جہاں اب تک ۲۲ معاملات درج کیے جا چکے ہیں۔