آل انڈیا کانگریس کمیٹی کے جنرل سیکریٹری سچن پائلٹ نے جمعرات کو گاندھی بھون میں صحافیوں سے گفتگو کے دوران مطالبہ کیا کہ مرکزی حکومت چھوٹے اور درمیانی درجہ کے تاجروں نیز عام ٹیکس دہندگان کو جی ایس ٹی کے بوجھ سے نجات دے۔

 آل انڈیا کانگریس کمیٹی کے جنرل سیکریٹری سچن پائلٹ نے جمعرات کو گاندھی بھون میں صحافیوں سے گفتگو کے دوران مطالبہ کیا کہ مرکزی حکومت چھوٹے اور درمیانی درجہ کے تاجروں نیز عام ٹیکس دہندگان کو جی ایس ٹی کے بوجھ سے نجات دے۔
 سچن پائلٹ نے کہا کہ یکم فروری ۲۰۲۵ء کو بی جے پی حکومت مرکزی بجٹ پیش کرے گی اور اب جی ایس ٹی میں تبدیلی کا وقت آگیا ہے۔ انہوں نے برسراقتدارپارٹی کو تنقیدکا نشانہ بناتے ہوئے کہا کہ بی جے پی حکومت مٹھی بھر امیروں کو ٹیکس میں رعایتیں دیتی ہے جبکہ متوسط طبقے اور عوام پر زبردست بوجھ ڈالا جاتا ہے۔ انہوں نے مزید کہا کہ بی جے پی حکومت کی ’ٹیکس دہشت گردی‘ کا سامنا چھوٹے، درمیانہ اور خردہ تاجروں کو کرنا پڑ رہا ہے۔ جی ایس ٹی کے سلیب کی ساخت انتہائی پیچیدہ ہے جس کی وجہ سے تاجروں کو بے حد مشکلات کا سامنا کرنا پڑ رہا ہے اور ملازمت پیشہ افراد، متوسط طبقے اور عوام سے سب سے زیادہ جی ایس ٹی وصول کیا جا رہا ہے۔