خراب موسم اور کہرے کی وجہ سے دہلی ایئر پورٹ پر طیاروں کی پرواز میں خلل پیدا ہو گیا ہے جس کے سبب ۱۲؍ طیاروں کے رخ تبدیل کئے گئے ہیں جبکہ ۳۰؍ سے زائد پروازیں منسوخ کی گئی ہیں۔ دہلی انٹرنیشنل ایئر پورٹ نے مسافروں سے اپیل کی ہے کہ وہ اپنے طیارے سے متعلق معلومات حاصل کرنے کیلئے ایئر لائن سے رابطے میں رہیں۔

خراب موسم اور کہرے کی وجہ سے دہلی ایئر پورٹ میں طیاروں کی پرواز میں خلل پیدا ہو گیا ہے جس کے سبب ۱۲؍ طیاروں کے رخ تبدیل جبکہ کئی پروازیں منسوخ کی گئی ہیں۔آج صبح ۶؍ بجے سے دوپہر ۱۲؍ بجے کے درمیان ۱۲؍ طیاروں کے رخ تبدیل کئے گئے ہیں جن میں سے ۱۱؍ طیاروں کو جے پور جبکہ ایک کو لکھنو کی جانب موڑا گیا ہے۔ 

Kind attention to all flyers!#Fog #FogAlert #DelhiAirport pic.twitter.com/FJDGPhyLmj

— Delhi Airport (@DelhiAirport) December 26, 2023

دہلی ایئر پورٹ کی ویب سائٹ پر موجود معلومات کے مطابق آج صبح ۳۰؍سے زائد پروازیں منسوخ ہوئی ہیں۔ دہلی انٹرنیشنل ایئر پورٹ ایل ٹی ڈی نے طیاروں کے حوالے سے اپنے ایکس پوسٹ میں کہرے کا الرٹ جاری کیا ہے جس میں کہا گیا ہے کہ دہلی ایئر پورٹ پر طیاروں کی لینڈنگ اور ٹیک آف جاری ہے لیکن وہ پروازیں جو سی اے ٹی ۳؍ کے مطابق نہیں ہے متاثر ہو سکتی ہیں۔ دہلی انٹرنیشنل ایئر پورٹ ایل ٹی ڈی نے مزید لکھا کہ مسافروں سے اپیل ہے کہ وہ اپنے طیارے کے متعلق معلومات حاصل کرنے کیلئے ایئر لائن سے رابطہ قائم کریں۔ مسافروں کو کسی بھی قسم کی تکلیف ہوئی اس کیلئے ہمیں افسوس ہے۔