دہلی کورٹ نے جے این یو کے سابق طالب علم عمر خالد کی ضمانت کی عرضی مسترد کردی۔ خیال رہے کہ عمر خالد نے ۱۵؍ فروری کو سپریم کورٹ سے اپنی ضمانت کی عرضی واپس لے لی تھی۔

دہلی کی ایک عدالت  نے عمر خالد کی ضمانت کی عرضی مسترد کی ہے۔ خیال رہے کہ ۲۰۲۰ء کے مشرقی دہلی کے فسادات میں انہیں ملزم ٹھہرایاگیا تھا۔ ۱۵؍ فروری کو عمر خالد نے اپنی ضمانت کی عرضی سپریم کورٹ سے واپس لے لی تھی۔ ان کے وکیل کپل سبلنے کہا تھا کہ ’’ہم ٹرائل کورٹ میں اپنی قسمت آزمائیں گے۔‘‘

جواہر لال نہرو یونیورسٹی کے سابق طالب علم عمر خالد، جن کے خلاف یو اے پی اے کے تحت مقدمہ درج کیا گیا تھا،نے قبل ازیں عدالت سے کہا تھا کہ ان کے علاوہ دیگر ملزمین جن کے خلاف سنگین الزامات ہیں جو ضمانت مل گئی ہے جبکہ ایسے افراد جو مبینہ طور پر اس طرح کی سرگرمیوں میں ملوث تھے، کو دہلی پولیس نے ملزم تک قرار دنہیں دیا۔