دی انڈین ایکسپریس کے مطابق ڈیرہ سچا سودہ کے چیف گرمیت رام رحیم سنگھ کو ۲۱؍ دن کے فرلو (طویل رخصت) پر ہریانہ کے ضلع روہتک کی سناریا جیل سے رہا کیا گیا ہے۔

دی انڈین ایکسپریس کی رپورٹ کے مطابق ڈیرہ سچا سودہ کے چیف گرمیت رام رحیم سنگھ کو ۲۱؍ دن کے فرلو(طویل رخصت ) پر جیل سے رہا گیا ہے۔ تاہم، فرلو(طویل رخصت) کسی بھی قیدی کو بغیر کسی وجہ کے جیل میں ایک طویل مدت گزارنے کے بعد دی جاتی ہے ۔ رام رحیم سنگھ کو فوری ضرورت کی بناء پر فرلو پر ۲۱؍دن کی مدت کیلئے جیل سے رہا گیا ہے۔
 خیال رہے کہ گزشتہ ۴؍ برسوں میں رام رحیم سنگھ کو مسلسل فرلو پر رہائی مل رہی ہے۔ اخبار کی رپورٹ کے مطابق آج صبح ۶؍ بجکر ۳۰؍ منٹ پر ڈیرہ سچا سودہ کے چیف کو ہریانہ کے ضلع روہتک کی سناریا جیل سے رہاکیا گیا ہے۔وہ اترپردیش کے باغپت ہی میں رہیں گے۔ خیال رہے کہ سنگھ کو جیل سے عبوری راحت ۱۵؍اگست کو ان کی سالگرہ سے قبل دی گئی ہے۔ 
یاد رہے کہ رام رحیم سنگھ کو ۲۰۱۷ء میں ہریانہ کے سرسا ضلع میں ڈیرہ سچا سودہ کے ہیڈ کوارٹرس میں ۲؍ خواتین کی عصمت دری کیلئے ۲۰؍ سال قید کی سزا سنائی گئی تھی۔ ۲۰۲۱ء میں وہ اور ان کے ۴؍ ساتھیوں کو رنجیت سنگھ قتل کے معاملے میں عمر قیدکی سزا سنائی گئی تھی۔ مئی میں پنجاب ہریانہ ہائی کورٹ نے قتل کے معاملے میں انہیں بری کیا تھا۔ جون میں سنگھ نے ہائی کورٹ نے ۲۱؍ دن کے فرلو کی مانگ کی تھی۔