ٹیسلا اور اسپیس ایکس کے مالک ایلون مسک نے چیٹ جی پی ٹی بنانے والی کمپنی اوپن اے آئی کو خریدنےکیلئےخطیر رقم کی پیشکش کی ہے۔ ایلون مسک نے اوپن اے آئی کو خریدنےکیلئے۴ء۹۷ ؍ بلین ڈالر کی تجویز پیش کی ہے۔ تاہم، اوپن اے آئی کے سی ای او سیم آلٹ مین نے اس پیشکش کو مسترد کر دیا ہے۔

ٹیسلا اور اسپیس ایکس کے مالک ایلون مسک نے چیٹ جی پی ٹی بنانے والی کمپنی اوپن اے آئی کو خریدنے کیلئےخطیر رقم کی پیشکش کی ہے۔ امریکی اخبار وال اسٹریٹ جرنل نے اپنی رپورٹ میں کہا ہے کہ ٹیسلا کے بانی ایلون مسک کی جانب سے معروف کمپنی اوپن اے آئی کو خریدنےکیلئے ۴ء۹۷؍ بلین ڈالر کی بولی لگائی گئی ہے۔ رپورٹ کے مطابق ایلون مسک کے وکیل نے یہ پیشکش اوپن اے آئی کے بورڈ آف ڈائریکٹرز کو جمع کرائی ہے۔ تاہم، اوپن اے آئی کے سی ای او سیم آلٹ مین نے اس پیشکش کو مسترد کر دیا اور طنزیہ انداز میں ’’ایکس‘‘ پر لکھا کہ ’’پیشکش کا شکریہ، ہم اوپن اے آئی نہیں بیچ رہے، لیکن اگر آپ چاہیں تو ہم’ایکس‘ کو ۹ء۷۴؍ بلین ڈالر میں خریدنے کیلئے تیار ہیں۔ ‘‘جس کے جواب میں ایلون مسک نے ایکس پر انہیں’’دھوکہ باز‘‘ کہا اور ان کے نام سیم آلٹ مین کو ’’اسکیم(Scam)آلٹ مین‘‘ لکھا۔

no thank you but we will buy twitter for $9.74 billion if you want

— Sam Altman (@sama) February 10, 2025

واضح رہے کہ ایلون مسک کا اوپن اے آئی کے سربراہ سیم آلٹ مین سے تنازع چل رہا ہے۔ مسک اوپن اےآئی اور سیم آلٹ مین کے خلاف مقدمات بھی دائر کر چکے ہیں۔ ایلون مسک نے ۲۰۱۵ء میں سیم آلٹ مین اور گریگ بروک مین کے ساتھ مل کر اوپن اے آئی کی بنیاد رکھی تھی۔ مگر ۲۰۱۸ء میں ایلون مسک نے اوپن اے آئی سے یہ کہہ کر علاحدگی اختیار کرلی تھی کہ اے آئی ٹیکنالوجی جوہری ہتھیاروں سے زیادہ خطرناک ثابت ہو سکتی ہے۔ بعد ازاں ایلون مسک نے۲۰۲۳ء میں اپنی اے آئی کمپنی’’ایکس اے آئی‘‘ کی بنیاد رکھی جو مصنوعی ذہانت کی دنیا میں ایک بڑا نام بنانے کی کوشش کر رہی ہے۔ 

Scam Altman
pic.twitter.com/j9EXIqBZ8u

— Elon Musk (@elonmusk) February 10, 2025