امریکی ارب پتی ایلون مسک کے یہاں ۱۴؍ ویں بچے کی پیدائش ہوئی ہے۔ایلون مسک کی ٹیکنالوجی کمپنی نیورولنک کی ایگزیکٹیو شیلون زیلیس ان کے ۱۴؍ویں بیٹے کی والدہ بنی ہیں۔

امریکی صدر ڈونالڈٹرمپ کے قریبی مشیر ارب پتی ایلون مسک کے گھر ۱۴؍ ویں بچے کی پیدائش ہوئی ہے۔ امریکی ٹیکنالوجی کمپنی نیورولنک کی ایگزیکٹیوشیون زیلیس ایلون مسک کے ۱۴؍ویں بیٹے کی ماں بنی ہیں۔ 

یہ بھی پڑھئے: شریہ گھوشال کا ایکس اکاؤنٹ ۱۳؍ فروری سے ہیک، اب تک مسئلہ حل نہیں ہوا

شیون زیلیس نے اپنے ایکس پوسٹ میں لکھا ہے کہ ’’ ایلون مسک سے گفتگو کرنے کے بعد اور ارکاڈیا کی سالگرہ کے موقع پر ہم نے محسوس کیا کہ یہی بہترین موقع ہےکہ ہم اپنے بیٹے سیلڈن لائکرگسکی پیدائش کی خبر شیئرکریں۔‘‘ انہوں نے یہ نہیں بتایا ہے کہ ان کے بیٹے کی پیدائش کب ہوئی تھی۔ایلون مسک نے بھی شیلون زیلیس کے پوسٹ کا جواب دیا ہے۔ یاد رہے کہ شیلون زیلیس کا ردعمل کنزرویٹیو انفلوئنسر ایشلے سینٹ کلیئرکے یہ کہنے کے بعد سامنے آیا ہے کہ ایشلے سینٹ کلیئر حال ہی میں مسک کے ۱۳؍ ویں بچے کی ماں بنی ہیں۔