آج یورپی پارلیمنٹ کے ارکان نے اپنے صدر کا انتخاب کرنے کیلئے ووٹنگ کی جس میں ارسولا وان ڈیرلیین دوسری مدت کیلئے منتخب ہوگئی ہیں۔ انہوں نے اپنے خطاب میں کہا کہ وہ یورپ کو مضبوط کرنے کیلئے ہر ممکن کوشش کریں گے۔

ارسولا وان ڈیرلیین دوسری مدت کیلئے یورپی کمیشن کی صدر منتخب ہوئی ہیں۔ یورپی پارلیمنٹ کے ارکان نے جمعرات کو ۷۲۰؍ رکنی چیمبر میں خفیہ رائے شماری کی جس میں ارسولا کی حمایت میں ۴۰۱؍ اور مخالفت میں ۲۸۴؍ ووٹ پڑے۔ تاہم، نتائج کے بعد وہ آئندہ ۵؍ سال کیلئے یورپی کمیشن کی صدر منتخب ہوچکی ہیں۔

NOW - European Parliament votes to extend Ursula von der Leyen`s reign for a second term. pic.twitter.com/uVWFZgTzmV

— Disclose.tv (@disclosetv) July 18, 2024

اسٹراسبرگ، فرانس میں پارلیمنٹ سے خطاب کے دوران اسولا ڈیر لیین نے یوکرین میں روس کی جنگ، عالمی اقتصادی مسابقت اور موسمیاتی بحران کے چیلنجوں کی شکل میں خوشحالی اور سلامتی پر مرکوز ایک پروگرام ترتیب دیا۔ رائے شماری سے قبل ارسولا نے اپنے خطاب میں کہا تھا کہ ’’اگلے پانچ سال اگلے پانچ دہائیوں کیلئے دنیا میں یورپ کی جگہ کا تعین کریں گے۔ یہ فیصلہ کریں گے کہ ہم اپنے مستقبل کو خود تشکیل دیں گے یا اسے واقعات کے ذریعے یا دوسروں کے ذریعے تشکیل دینے دیں گے۔‘‘ اس دوران انہوں نے موسمی تبدیلیوں سے لڑنے کیلئے یورپی یونین کی معیشت کی ’’گرین ڈیل‘‘ کی تبدیلی پر پیچھے نہ ہٹنے کی ضرورت پر زور دیا۔ 

🚨🌎 Breaking - Polish MEP DESTROYS Criminal EU Chief Ursula von der Leyen in European Parliament ‼️

“You should go to prison, not the European Commission” ‼️

“You are the face of the EU Migration Pact - how can you not be ashamed of promoting something that leads to millions… pic.twitter.com/MidGByORPm

— Concerned Citizen (@BGatesIsaPyscho) July 18, 2024

واضح رہے کہ انہیں ایوان میں اکثریت حاصل کرنے کیلئے ۳۶۱؍  ووٹ درکار تھے۔ خیال رہے کہ ارسولا یورپی یونین کے سخت سرحدی کنٹرول اور جرائم کے خلاف پولیس کے مضبوط تعاون کا وعدہ بھی کر سکتی ہے۔